Akshay Kumar : 'काळजी करु नको तू फक्त...' आईचे ते शब्द आठवले, अक्षय रडला!

Akshay Kumar Bollywood actor selfiee movie : बाकी कुणी काही का म्हणेना पण बॉलीवूडचा खिलाडी अक्षय कुमारचा स्वॅग पूर्णपणे वेगळा आहे. तो अभिनेता आणि एक माणूस म्हणून किती ग्रेट आहे हे त्यानं वेळोवेळी दाखवून दिले आहे. कोरोनाच्या काळात त्याच्या सामाजिक जाणीवेची सगळ्यांनी दखल घेतली होती.

बॉलीवूडमध्ये आपल्या हटक्या भूमिकांनी अक्षयनं नेहमीच चाहत्यांचे लक्ष वेधून घेतले आहे. गेलं वर्ष हे अक्षय कुमारसाठी काही लाभदायी ठरलं नाही. त्याचे चार ते पाच चित्रपट फ्लॉप झाले होते. त्यामध्ये बच्चन पांडे, सम्राट पृथ्वीराज, रक्षाबंधन, कटपुतली हे सगळे चित्रपट फ्लॉप झाले होते. त्यामुळे अक्षयची डोकेदुखी आणखी वाढली होती. मात्र निराश होईल तो खिलाडी कसला, आता त्याचा एक नवा चित्रपट प्रेक्षकांच्या भेटीला आला आहे.

Also Read - जाणून घ्या काॅन्ट्रा फंडातल्या गुंतवणुकीबाबत

अक्षयचा सध्या सेल्फी नावाचा चित्रपट प्रेक्षकांचे लक्ष वेधून घेतो आहे. त्याच्या प्रमोशनमध्ये अक्षय सध्या व्यस्त आहे. अशातच एका मुलाखतीमध्ये अक्षयनं आपल्या आजवरच्या संघर्षाविषयी सांगितलं आहे. ते सांगताना तो कमालीचा भावूक झाला होता. त्यानं आईनं आपल्याला कशाप्रकारे प्रेरित केलं होतं हे सांगून चाहत्यांना धक्का दिला होता.

बाळा काही झालं तरी चालेल पण तू नाराज अजिबात व्हायचं नाही, खचून जायचं नाही. आपण जिंकणार आहोत हे लक्षात ठेवायचं आणि त्यानुसार वाटचाल करायची. देव नेहमीच तुझ्या पाठीशी आहे. असे शब्द माझ्या आईचे असायचे. त्यामुळे मी कितीही प्रतिकुल परिस्थिती असली तरी आईची प्रेरणा पाठीशी असते. हे सांगताना अक्षय भावूक झाला होता.

नव्या वर्षात अक्षयचा पहिला चित्रपट सेल्फी हा प्रदर्शित झाला असून त्याला चाहत्यांकडून खूप अपेक्षा आहे. मात्र सुत्रांनी दिलेल्या माहितीनुसार हा चित्रपट मोठी कामगिरी करेल याची शक्यता कमी आहे.