Alia Bhatt Birthday celebration: बॉलिवूडमधील प्रसिद्ध अभिनेत्री आलिया भट्टचा (Alia Bhatt) आज 31 वा वाढदिवस आहे. सोशल मीडियाच्या माध्यमातून आलियाचे चाहते तिला वाढदिवसाच्या शुभेच्छा देत आहेत. काल (14 मार्च) रात्री आलियाच्या वाढदिवसाच्या ग्रँड पार्टीचे आयोजन करण्यात आले होते. मुंबईतील ताज हॉटेलमध्ये आलियाची बर्थ-डे पार पडली. या पार्टीला अनेक सेलिब्रिटींनी हजेरी लावली.
आलियाचा पती रणबीर कपूर, आई सोनी राजदान, बहीण शाहीन भट्ट आणि सासू नीतू कपूर यांनी आलियाच्या बर्थ-डेला हजेरी लावली. तसेच ईशा अंबानी, आकाश अंबानी आणि श्लोका मेहता हे देखील या बर्थ-डे सेलिब्रेशनमध्ये हजर होते.
बर्थ-डे पार्टीमधील आलियाचे काही फोटो सोशल मीडियावर व्हायरल झाले. यामध्ये आलिया ही ब्लू डेनिम जीन्स आणि गोल्डन कलरचा ग्लिटरी टॉप अशा लूकमध्ये दिसली.
रणबीरने आलियाच्या बर्थ-डे पार्टीसाठी खास लूक केला होता. त्यानं काळ्या रंगाचा टी-शर्ट परिधान केला होता. ज्यावर 'राहा' असे लिहिले होते. राहा हे आलिया आणि रणबीरच्या मुलीचं नाव आहे. रणबीरने कस्टमाइज टी-शर्ट घातला आहे ज्यावर राहा पांढऱ्या रंगात लिहिलेले दिसले.
आलिया आणि ईशा या दोघी मैत्रिणी आहेत. तसेच रणबीर कपूर आणि आकाश अंबानी हे देखील चांगले मित्र आहे. अनंत अंबानींच्या प्री-वेडिंग फंक्शनला देखील आलिया आणि रणबीर यांनी हजेरी लावली.
हायवे, गंगूबाई काठियावाडी, राझी, डियर जिंदगी, आरआरआर, ब्रह्मास्त्र, रॉकी और रानी की प्रेम कहानी, गली बॉय या चित्रपटात आलियानं काम केलं. गंगूबाई काठियावाडी या चित्रपटातील भूमिकेसाठी आलियाला राष्ट्रीय पुरस्कारानं गौरवण्यात आलं. आता आलिया ही तिच्या 'जिगरा' या चित्रपटातून प्रेक्षकांच्या भेटीला येणार आहे. आलियाच्या आगामी चित्रपटांची प्रेक्षक उत्सुकतेने वाट बघत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
