आलिया भट्ट(Alia Bhatt) आणि रणबीर कपूर(Ranbir Kapoor) हे सध्याचं बीटाऊनमधलं चर्चेतलं लग्न. अनेक दिवसांच्या चर्चेतनंतर अखेर १४ एप्रिल,२०२२ रोजी हे दोन लव्हबर्ड्स अखेर लग्नबंधनात अडकले आहेत. जेव्हापासून या दोघांचे लग्नाचे फोटो आणि व्हिडीओ व्हायरल झालेत तेव्हापासून चाहत्यांचा यांच्यावर अभिनंदनाचा वर्षाव झालेला पहायला मिळत आहे. आज त्यांचा लग्नानंतरच्या पार्टीतला एक व्हिडीओ व्हायरल होत आहे,ज्यात दोघांनी लाल रंगाच्या पेहरावात शाहरुख-मलायका अरोराच्या 'छैय्या छैय्या' (chaiyaaa chaiyaa)गाण्यावर ठेका धरलेला दिसत आहे.
रणबीर कपूर आणि आलिया भट्ट यांचं लग्न हे त्यांच्या कुटुंबियांपासून मित्रपरिवारापर्यंत ते अगदी चाहत्यांपर्यंत साऱ्यांच स्वप्न पूर्ण झाल्यासारखंच आहे. रणबीरच्या मुंबईतील वास्तू' इमारतीतील घरात त्यांचं लग्न झालं. लग्नानंतर लगेचच त्यांनी मीडियाच्या कॅमेऱ्यासमोर येऊन आपल्या असंख्य चाहत्यांचं अभिनंदन स्विकारत त्यांना अभिवादनही केलेलं आपण साऱ्यांनीच पाहिलं असेल. त्यानंतर लग्नाचा आनंद अधिक द्विगुणित झाला तो रंगलेल्या पार्टीनं. या पार्टीत आलिया आणि रणबीर दोघांनीही लाल रंगाचा ड्रेस परिधान करीत 'छैय्या छैय्या' गाण्यावर डान्सचा ठेका धरला. सध्या हा व्हिडीओ सोशल मीडियावर जोरदार व्हायरल होत आहेत. त्यांच्या चाहत्यांनीही या व्हिडीओवर खूप उत्स्फुर्त प्रतिक्रिया नोंदवल्या आहेत.
आलियानं जिथे लग्न होईपर्यंत चुप्पी साधली होती तिनं लग्न लागताच त्या खास क्षणांचे फोटो शेअर करीत एक छान पोस्टही त्यावर लिहीली होती. तिनं पती रणबीरसोबतच्या खास आठवणी आणि भविष्यातील स्वप्नांना सुरेख शब्दात मांडत आपल्या मनातील भावना व्यक्त केल्या होत्या. राखी सावंतनं या दोघांच्या वर-वधू रुपाला अगदी साजेशा शब्दात म्हटलं होतं,''आलिया आरसपानी सौंदर्य तर शेहजादा रणबीर''. चला इथे रणबीर आलियाच्या डान्सचा व्हिडीओ बातमीत जोडलाय त्याचा आनंद नक्की घ्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
