Amitabh Bachchan News: अमिताभ बच्चन सध्या त्यांच्या आगामी प्रोजेक्टच्या शूटिंगमध्ये व्यस्त आहेत. बॉलिवूडचे महानायक अमिताभ बच्चन त्यांच्या आगामी 'प्रोजेक्ट के' (Projekt K) चित्रपटाच्या शूटिंगदरम्यान हैदराबादमध्ये जखमी झाले.
अमिताभ यांनी त्यांच्या ब्लॉगवर त्याचे हेल्थ अपडेट शेअर केले आणि सांगितले की ते सध्या त्यांच्या मुंबईतील घरी विश्रांती घेत आहे.
(Amitabh Bachchan seriously injured while shooting in Hyderabad, immediately left for Mumbai)
एका अ‍ॅक्शन सीक्‍वेन्समध्ये अमिताभ जखमी झाले असून त्यांच्या उजव्या बरगडीचे स्नायू फाटले आहेत.
बिग बी यांनी त्यांच्या ब्लॉगवर अपडेट शेअर केले आणि सांगितले की, दुखापत झाल्यामुळे त्यांना शूट रद्द करावे लागले. आता दुखापतीतून बरे होण्यासाठी त्यांना काही आठवडे लागणार आहेत.
दुखापतीनंतर, अमिताभ यांनी डॉक्टरांचा सल्ला घेतला आणि हैदराबादमधील एआयजी हॉस्पिटलमध्ये सीटी स्कॅन केले आणि घरी परतले. दुखापत बरी होण्यासाठी किमान काही आठवडे लागतील म्हणून डॉक्टरांनी त्याला विश्रांतीचा सल्ला दिला आहे.
अमिताभ लिहितात.. "श्वास घेताना आणि हालचाल करताना वेदना होत आहेत, सुपरस्टारने कबूल केले की वेदना कमी करण्यासाठी ते औषधे घेत आहेत. त्यामुळे शूटिंग सध्या रद्द करावे लागत आहे. मी काही दिवस मोबाईलवर उपलब्ध असतील परंतु संपूर्णतः बेड रेस्टवर आहे."
अमिताभ यांचे फॅन्स दर रविवारी त्यांचं घर जलसा बाहेर त्यांना भेटायला येत असतात. त्यामुळे रविवारी जलसा बाहेर कोणीही भेटायला येऊ नये असं अमिताभ यांनी त्यांच्या फॅन्सना आवाहन केलं आहे.
अमिताभ बच्चन, प्रभास आणि दीपिका पदुकोण अभिनीत पॅन-इंडिया सायन्स-फिक्शन चित्रपट असलेला प्रोजेक्ट के हा सिनेमा 12 जानेवारीला थिएटरमध्ये रिलीज होणार आहे. या सिनेमाच्या माध्यमातून दीपिका पदुकोणचे साऊथ इंडस्ट्रीत पदार्पण होत आहे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
