Amruta Fadnavis: शब्द देवेंद्रजींचे सूर माझे संगीत अजय-अतुलचं! अमृताजींचे नवे गाणे लवकरच चाहत्यांच्या भेटीला

Amruta Fadnavis: संपूर्ण देशात भक्तिमय वातावरण आहे. उद्या (सोमवार) २२ जानेवारीला अयोध्येत राम मंदीरात श्रीरामच्या मूर्तीची प्रतिष्ठापना होणार आहे. यासाठी जोरदार तयारी करण्यात आली आहे. अनेक नेते, अभिनेते हे अयोध्येसाठी जाणार आहेत. दरम्यान यावर उपमुख्यमंत्री देवेंद्र फडणवीस यांच्या पत्नी अमृता फडणवीस यांनी प्रतिक्रिया दिली आहे. त्यांनी नुकतेच कैलाश खेर यांच्यासोबत गाण गायलं आहे.

अमृता फडणवीस म्हणाल्या, अयोध्येत रामल्ला विराजमान होत आहेत ही सुखाची बाबा आहे. भाजप आणि पंतप्रधान नरेंद्र मोदी यांच्यामुळे हे स्वप्न पूर्ण होत आहे. योग्य निर्णय घेतल्यामुळे राम मंदिर झालं आहे. सगळ्या राम भक्तांसाठी हा आनंदाचा सोहळा आहे.

पुण्यात भाजप महिला मोर्चातर्फे ‘वॉक फॉर नेशन’चं आयोजन करण्यात आलं होतं. यावेळी अमृता फडणवीस उपस्थित होत्या.

दरम्यान अमृता फडणवीस यांनी मोठी घोषणा केली आहे. उपमुख्यमंत्री देवेंद्र फडणवीस यांनी गाणं लिहलं असून  प्रसिद्ध संगितकार अजय-अतुल यांनी हे गाणं संगीतबद्ध केलं आहे. या गाण्यात मी देखील गायलं आहे. आज पहिल्यांदाच मी हे सांगत असल्याचे अमृता फडणवीस म्हणाल्या.

पुण्यातील महिलांना दिला सल्ला -

सर्व महिलांनी स्वत:कडे लक्ष द्यायल हवं. मी स्वत:कडे लक्ष देते त्यामुळे चमकते, तुम्हीही द्या अन चमका, असे अमृता फडणवीस म्हणाल्या. पुण्यातील नमो वॉकथॉन स्पर्धेत अमृता फडणवीस बोलत होत्या. यावेळी त्यांनी गाणं देखील गायले. (Latest Marathi News)