Amruta Subhash : मराठी आणि हिंदी सिनेसृष्टीतील चतुरस्त्र अभिनेत्री अमृता सुभाष (Amruta Subhash) ही तिच्या अभियानं नेहमीच प्रेक्षकांची मनं जिंकते. अमृता ही नाटक, वेब सीरिज आणि चित्रपट या माध्यमातून प्रेक्षकांच्या भेटीला येते. नुकतीच मित्र म्हणे या युट्यूब चॅनलला अमृतानं मुलाखत दिली आहे. या मुलाखतीत अमृतानं शूटिंगदरम्यान आलेले अनुभव सांगितले आहेत. अमृतानं या मुलाखतीत इंटिमेट सीन्स शूट करताना आलेल्या अनुभवाबद्दल देखील सांगितलं आहे.
अमृतानं सेक्रेड गेम्स या वेब सीरिजमधील इंटिमेट सीन्सबद्दल सांगितलं ती म्हणाली, "अनुराग कश्यपच्या सेक्रेड गेम्स या वेब सीरिजमध्ये इंटिमेट सीन होता. तेव्हा अनुरागनं चित्रपटाच्या टीमला सांगितलं होतं की, अमृताला याबद्दल कोणी सांगायचं नाही, तिला मीच सांगणार. मग त्यानं मला भूमिकेबद्दल सांगितलं आणि इंटिमेट सीन्सबद्दल सांगितलं."
पुढे अमृतानं सांगितलं, "दिग्दर्शिकेसोबत काम करायला कम्फर्ट असतोच पण अनुरागनं स्त्री म्हणून मला समजून घेतलं. जेव्हा सेक्रेड गेम्सचं शूट सुरु होतं, तेव्हा मला मासिक पाळी आली होती, अनुराग तेव्हा त्याच्या टीमला ओरडला होता. तो म्हणाला होता की, अभिनेत्रींना हे तुम्ही विचारायला पाहिजे कारण मासिक पाळी असताना ती हा सीन कसा शूट करेल? नंतर शूटिंगचं शेड्युल लावताना मला माझी पिरियड्स सायकल विचारली जाऊ लागली."
लस्ट स्टोरीज-2 या चित्रपटातील इंटिमेट सीन्सबद्दल अमृता म्हणाली, "श्रीकांत यादव हा माझा खूप जुना मित्र आहे. तो या फिल्मसाठी तयार होत नव्हता. तो म्हणाला, तुझ्यासोबत मी इंटिमेट सीन नाही शूट करु शकत. संदेशनं (अमृताचा पती) श्रीकांतला फोन करुन सांगितलं की, चांगली भूमिका तू सोडू नको. त्यानंतर श्रीकांत ती भूमिका साकारण्यासाठी तयार झाला."
"एका चित्रपटात किसिंग सीन होता. तेव्हा मी पहिला फोन संदेशला केला. तेव्हा तो मला म्हणाला लाजू नको.पण तो चित्रपट रिलीज झाला नाही.", असंही मुलाखतीत अमृता म्हणाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.