Anant Ambani Radhika Merchant: कलाकारांपासून नेत्यांपर्यंत.. अनंत आणि राधिकाच्या प्रीवेडिंग फंक्शनला आतापर्यंत कोण-कोण पोहोचलं?

Anant Ambani-Radhika Merchant Pre-Wedding Bash: गुजरातमधील जामनगरमध्ये अनंत अंबानी (Anant Ambani) आणि राधिका मर्चंट (Radhika Merchant) यांच्या प्री-वेडिंग फंक्शन्सला सुरुवात झाली आहे. या फंक्शन्सला बॉलिवूड कलाकार तसेच नेते मंडळी उपस्थित राहणार आहेत. अनंत आणि राधिका यांच्या प्री-वेडिंग फंक्शन्ससाठी कोण-कोण जामनगरमध्ये पोहोचलं आहे? याबद्दल जाणून घेऊयात...

जामनगरमध्ये पोहोचले ठाकरे कुटुंब

अनंत अंबानी आणि राधिका मर्चंट यांच्या प्री-वेडिंग फंक्शन्ससाठी ठाकरे कुटुंब जामनगरमध्ये पोहोचले आहे. उद्धव ठाकरे, आदित्य ठाकरे आणि रश्मी ठाकरे हे जामनगरमध्ये पोहोचले आहेत.

देवेंद्र फडणवीस यांच्या पत्नी अमृता फडणवीस या देखील जामनगरला अनंत अंबानी आणि राधिका मर्चंट यांच्या प्री-वेडिंग फंक्शन्ससाठी गेल्या आहेत. जामनगरमध्ये अमृता फडणवीस यांनी पापाराझींना फोटोसाठी पोज दिल्या.

बॉलिवूड कलाकार पोहोचले जामनगरला

बॉलिवूडमधील अनेक कलाकार अनंत अंबानी आणि राधिका मर्चंट यांच्या प्री-वेडिंग फंक्शन्ससाठी जामनगरमध्ये पोहोचले आहेत. रणवीर सिंह, दीपिका पादुकोण, ऑरी, दिग्दर्शक अॅटली, गायक रिहाना, राणी मुखर्जी, अर्जुन कपूक, शाहरुख खान हे कलाकार अनंत अंबानी आणि राधिका मर्चंट यांच्या प्री-वेडिंगसाठी जामनगरला गेले आहेत.

राधिका मर्चंट आणि अनंत अंबानी यांच्या प्री-वेडिंग फंक्शन्सला 'अन्न सेवा' कार्यक्रमानं सुरुवात झाली. हा कार्यक्रम जामनगरमधील रिलायन्स टाउनशिपजवळील जोगवाड गावात झाला. जिथे मुकेश अंबानी, अनंत अंबानी, राधिका मर्चंट आणि अंबानी कुटुंबातील इतर सदस्यांनी गावकऱ्यांना गुजराती जेवण दिले.