Ananya Panday: अनन्याचा गृहप्रवेश! अभिनेत्रीनं स्वत:लाच दिलं दिवाळी गिफ्ट...

Ananya Panday New Home: सध्या सर्वत्र दिवाळीचा उत्सव पहायला मिळत आहे. त्यात काल धनत्रयोदशी हा सण मोठ्या उत्साहात साजरा करण्यात आला. या खास दिवशी लोकं अनेक गोष्टी खरेदी करताना दिसतात. या दिवशी बॉलिवूड कलाकारांनीही खरेदीचा आनंद घेतला आहे. बॉलिवूड अभिनेत्री अनन्या पांडे हिने धनत्रयोदशीच्या दिवशी नवीन घरात प्रवेश केला आहे.

धनत्रयोदशीच्या मुहूर्तावर अनन्या पांडेने ही बातमी चाहत्यांसोबत शेअर केली आहे. तिने मुंबईत नवीन घर घेतले आहे. सोशल मीडिया पोस्ट शेयर करत अनन्याने तिच्या नवीन घराची झलकही चाहत्यांना दाखवली आहे

अनन्याने तिच्या नवीन घरातील काही फोटो सोशल मिडियावर शेअर केले आहेत. या फोटोच्या कॅप्शनमध्ये अनन्या लिहिते की, "माझे स्वतःचे घर!! नवीन सुरुवातीसाठी तुमच्या सर्वांच्या प्रेमाची आणि आशिर्वादाची गरज आहे!!! धनत्रयोदशीच्या शुभेच्छा."

नवीन घरात प्रवेश करताना तिने घरी पूजाही केली. तर एका व्हिडिओत ती गृहप्रवेश पूजा करताना दारात नारळ फोडताना दिसत आहे.

सध्या अनन्याचे हे फोटो सोशल मिडियावर व्हायरल होत आहेत. नेटकरी आणि सर्वच कलाकार तिचे अभिनंदन करत आहेत.

अनन्याची आई भावना पांडे यांनी या पोस्टवर कमेंट करत लिहिले, 'मला तुझा खूप अभिमान आहे.' तर टायगर श्रॉफने 'वाह, अभिनंदन अनन्या.' असं लिहिलं आहे.

गौहर खान, परिणीती चोप्रा, शिल्पा शेट्टी, फराह खानसह इतर अनेक सेलिब्रिटींनीही अनन्या पांडेला तिच्या नवीन घरासाठी शुभेच्छा दिल्या आहेत.

अनन्या पांडेच्या वर्कफ्रंटबद्दल बोलायचं झालं तर तिने 2019 मध्ये 'स्टुडंट ऑफ द इयर 2'मधून बॉलिवूडमध्ये पदार्पण केले. चार वर्षांच्या कारकिर्दीत अनन्याने अनेक चित्रपटांमध्ये आपल्या अभिनयाने प्रेक्षकांना भुरळ घातली आहे.

ती नुकतीच ड्रीम गर्ल 2 या चित्रपटात दिसली. आता ती 'खो गये हम कहाँ' मध्ये सिद्धांत चतुर्वेदी आणि आदर्श गौरवसोबत काम करणार आहे.

यासोबतच ती प्राइम व्हिडिओचा वेब शो 'कॉल मी बे' मध्ये देखील काम करणार आहे. याशिवाय 'कंट्रोल' आणि 'शंकरा' या तिच्या आगामी सिनेमांची चर्चा आहे. सध्या ती आदित्य कपुरसोबतच्या नात्यामुळे चर्चेत आहे.