And We’re Engaged! स्वानंदीने शेअर केला आशिषसोबतचा साखरपुड्याचा फोटो

Swanandi Tikekar Engagement News: मराठी मनोरंजन विश्वातील लोकप्रिय अभिनेत्री स्वानंदी टिकेकर सध्या चांगलीच चर्चेत आहे. स्वानंदीने अगदी काहीच दिवसांपुर्वी ती रिलेशनशीपमध्ये असल्याचा जाहीर खुलासा केला होता. आज अखेर तिने साखरपुड्याचा फोटो शेअर करून सर्वांना धक्का दिला आहे.

स्वानंदीने गुपचुप साखरपुडा उरकल्याच्या चर्चांना शनिवारीच उधाण आलं. त्याच कारण म्हणजे, स्वानंदीने सोशल मिडीयावर बॉयफ्रेंड आशिष कुलकर्णी सोबत फोटो पोस्ट केला होता. यात स्वानंदीच्या हातावर मेहंदी रंगलेली दिसत होती. दरम्यान स्वानंदीने आज साखरपुड्याचा फोटो शेअर केला. तसेच And We’re Engaged कॅप्शन दिलं आहे.

स्वानंदी टिकेकर आणि आशिष कुलकर्णीने शुक्रवारी रात्री एक फोटो शेअर केला होता. यात स्वानंदीच्या हातावर मेहंदी रंगलेली दिसत होती. तर स्वानंदीचा बॉयफ्रेंड तिच्या गालावर किस करताना दिसतोय.

कोण आहे आशिष?

स्वानंदीच्या बॉयफ्रेंडचं नाव आहे आशिष कुलकर्णी. This is US! असं लिहून #आमचं ठरलंय असा हॅशटॅग स्वानंदीने वापरलाय. आशिष कुलकर्षी हा गायक - संगीतकार आहे. तो इंडीयन आयडॉल 12 व्या सीझनमध्ये सहभागी होता. आशिष कुलकर्णी स्वत:चे लाईव्ह शोज सुद्धा करत असतो. आशिष आणि स्वानंदी हे दोघे एंगेज झाल्यामुळे त्यांच्या चाहत्यांना आनंद झाला आहे.