Angus Clowd: वडिल जाण्याच्या डिप्रेशनने घेतला अभिनेत्याचा जीव.. वयाच्या अवघ्या २५व्या वर्षी घेतला अखेरचा श्वास

Angus Clowd Passed Away News: 'युफोरिया' या गाजलेल्या सिरीजमधील स्टार अभिनेता अँगस क्लाउडचे वयाच्या 25 व्या वर्षी निधन झाले आहे. क्लॉड HBO मधील मालिका युफोरियामधील त्याच्या अभिनयासाठी प्रसिद्ध आहे. स्थानिक माध्यमांनी दिलेल्या माहितीनुसार, सोमवारी, 31 जुलै रोजी कॅलिफोर्नियातील त्याच्या राहत्या घरी निधन झाले.

वडीलांच्या निधनानंतर होता डिप्रेशनमध्ये

सर्वाधीक एमी पुरस्कार विजेत्या युफोरिया सिरीजमध्ये लॅकोनिक ड्रग डीलरची भूमिका अँगसने साकारली होती. अँगसचा मृत्यु कसा झाला याचे कोणतेही कारण अद्याप दिले गेले नाही. पण वडिलांच्या निधनानंतर अँगस मानसिक आजारातून जात होता, असा खुलासा झालाय.

अँगस क्लाउडच्या निधनाने कुटुंबाला धक्का

अँगस क्लाउडच्या मृत्यूने त्याच्या कुटुंबाला धक्का बसला आहे. सोशल मीडियावर अभिनेत्याच्या मृत्यूची माहिती देताना कुटुंबाने निवेदन केलं की- "अँगस आता त्याच्या वडिलांना भेटायला अनंतात विलीन झालाय. अँगस हा त्याच्या बाबांचा चांगला मित्र होता. अँगसने त्याच्या मानसिक आरोग्यासोबतच्या लढाईबद्दल खुलेपणाने सांगितले. आणि आम्हाला आशा आहे की, त्याचे निधन इतरांना सांगेल की डिप्रेशनमध्ये तुम्ही एकटे नाहीत आणि ही लढाई एकटेपणाने लढू नये."

युफोरियाच्या भुमिकेसाठी अजरामर

'युफोरिया' ही अॅंगस क्लाउडची अभिनेता म्हणून सिरीज होती. मिडीया रिपोर्टनुसार, अॅंगस न्यूयॉर्कच्या रस्त्यावर त्याच्या मित्रांसह हँग आउट करत होता जेव्हा कास्टिंग डायरेक्टरने त्याला पाहिले आणि त्याला 'युरोफिया'साठी कास्ट केले. आणि पहिल्याच सिरीजमधुन त्याने अभिनयाची छाप पाडली.