Animal Box Office Collection Day 5: सध्या मनोरंजन विश्वात फक्त अ‍ॅनिमलचीच चर्चा सुरु आहे. सोशल मिडिया असो किंवा मित्रांच्या गप्पा असो. सगळीकडे फक्त रणबीरच्या अ‍ॅनिमलचीच चर्चा सुरु आहे.
एकीकडे या चित्रपटावर कडाडून टीका होत आहे तर दुसरीकडे या सिनेमाची क्रेझ ही तितकीच आहे. या चित्रपटातील काही सीन्सवर अनेकांनी आक्षेप घेतला आहे. तरी देखील चित्रपट बॉक्स ऑफिसवर जबरदस्त कमाई करत आहे.
रणबीर कपूरच्या 'अ‍ॅनिमल'ने पहिल्या दिवसापासून बॉक्स ऑफिसवर आपली पकड मजबूत केली आहे. विकेंडनंतरही अ‍ॅनिमलच्या कमाईत कसलीच घट झालेली नाही. सोमवारी चित्रपटाने 'जवान' आणि 'गदर 2'चा रेकॉर्ड मोडला.
आता 'अ‍ॅनिमल'ला रिलीज होऊन पाच दिवस झाले आहे. तर रिलिजच्या पाचव्या दिवशी म्हणजे मंगळवारी चित्रपटाने किती कोटींचे कलेक्शन केले यावर नजर टाकूया.
'अ‍ॅनिमल' हा सिनेमा 4 भाषांमध्ये प्रदर्शित झाला आहे. चित्रपटाने पहिल्याच दिवशी बजेट वसूल केलं होतं. बॉक्स ऑफिस ट्रॅकर Sacknilk च्या अहवालानुसार, चित्रपटाने 5 व्या दिवशी 38.25 कोटी रुपये कमावले.
या कमाईसोबतच भारतात चित्रपटाने एकून 283.74 कोटी रुपयांची कमाई केली आहे. तर जगभरातील चित्रपटाच्या कमाईचा आकडा 425 कोटीच्या पुढे गेला आहे.
पुन्हा 'अ‍ॅनिमल'ने रिलीजच्या पाचव्या दिवशी 280 कोटींहून अधिक करत पुन्हा रेकॉर्ड केला आहे. आता 'अ‍ॅनिमल' वीकेंडपर्यंत पुन्हा किती कोटींची कमाई करेल याकडे सर्वांचे लक्ष लागले आहे.
या कमाईसोबत हा सिनेमा रणबीर, बॉबी देओल आणि अनिल कपूर यांच्या कारकिर्दीतील आतापर्यंतचा सर्वाधिक कमाई करणारा चित्रपट ठरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
