Animal Controversy : 'तुम्ही तुमच्या मुलाला तेव्हा का नाही सल्ला दिला'? 'ॲनिमल'चा दिग्दर्शक जावेद अख्तरांवर भडकला!

Animal fame Sandeep Reddy Vanga : साऊथचा प्रसिद्ध दिग्दर्शक संदीप रेड्डी वांगाचा गेल्या वर्षी ॲनिमल (Animal Movie Latest News) नावाचा चित्रपट प्रदर्शित झाला होता. त्याला प्रेक्षकांचा मोठा प्रतिसाद मिळाल्याचे दिसून आले. हा चित्रपट जेवढा लोकप्रिय झाला तेवढ्याच प्रमाणात त्याच्यावर टीकाही झाली आहे.त्यात बॉलीवूडमधील अनेक प्रसिद्ध सेलिब्रेटींनी त्या चित्रपटावर तोफ डागली आहे.

प्रख्यात गीतकार आणि पटकथा लेखक जावेद अख्तर यांनी एका (Javed Akhtar Comment) कार्यक्रमातून संदीप रेड्डी वांगाच्या ॲनिमल या चित्रपटावर कडाडून टीका केली होती. यावेळी त्यांनी या चित्रपटातून महिलांचे विकृत चित्रिकरण केले असून त्यांच्याविषयीचा चूकीचा मेसेज समाजात असल्याचे म्हटले होते. महिलांवरील अन्याय, अत्याचार याविषयी त्यात केलेले चित्रण काय सांगते असा प्रश्न अख्तर यांनी विचारला होता.

केवळ जावेद अख्तरच नाही तर अभिनेत्री कंगना रनौत, दिग्दर्शिका किरण राव, कोंकणा सेन शर्मा यांनी देखील वांगा रेड्डीच्या चित्रपटाविषयी नाराजी व्यक्त केली होती. आता दिग्दर्शकानं जावेद अख्तर यांना जशास तसे उत्तर दिले आहे. तो काय म्हणाला हे आपण जाणून घेणार आहोत. या चित्रपटातून स्त्री द्वेष आणखी वाढेल असे अख्तर म्हणाले होते. त्यानंतर सोशल मीडियातून वेगवेगळ्या प्रतिक्रियांना उधाण आले होते.

अख्तरांच्या त्या विधानावर आता रेड्डीनं त्यांना उत्तर दिले आहे. जेव्हा जावेद अख्तर यांच्या मुलानं मिर्झापूर नावाच्या एका मालिकेची निर्मिती केली होती तेव्हा त्याला त्याबाबत सल्ला का दिला नव्हता. मला असे वाटते की, त्यांनी ती फिल्म पूर्णपणे पाहिली नव्हती. फरहानला देखील त्यांनी काही सल्ले द्यायला हवे होते.

एवढ्या मोठ्या प्रमाणात शिवीगाळ त्या मालिकेत आहे. तुम्ही पाहिल्यानंतर तुम्हालाही कळेल की काय आहे त्या मालिकेत अशा वेळी जावेद अख्तर यांनी त्यांच्या मुलाला का नाही सल्ला दिला, दुसऱ्यांच्या चित्रपटांवर बोलताना आपल्या मुलाच्या चित्रपटांकडे पाहणार आहे की नाही, असा सवाल वांगा रेड्डीनं यावेळी केला.