Ankita Lokhande Passed Away News: अभिनेत्री अंकिता लोखंडेचे वडील शशिकांत लोखंडे यांचे निधन झाले आहे. 12 ऑगस्ट रोजी त्यांनी अखेरचा श्वास घेतला. त्यांच्या मृत्यूचे कारण अद्याप समजू शकलेले नाही. ते 68 वर्षांचे होते. मीडिया रिपोर्ट्सनुसार, 13 ऑगस्ट 2023 रोजी सकाळी 11 वाजता ओशिवरा स्मशानभूमीत अंतिम संस्कार केले जातील.
काही काळ त्यांची तब्येत खराब होती. अंकिता आणि तिचा पती विकी जैन यांनी अद्याप यावर कोणतीही प्रतिक्रिया दिलेली नाही. यंदाच्या फादर्स डेला अंकिता लोखंडेने तिचे वडील शशिकांत लोखंडे यांच्यासाठी एक भावनिक पोस्ट लिहिली.
(ankita lokhande father passed away at the age of 68 )
अंकिता लोखंडेने फादर्स डेला लिहिले होते की, "माझ्या पहिल्या हिरो माझ्या वडिलांना फादर्स डेच्या शुभेच्छा. मला तुझ्याबद्दल कसे वाटते हे मी व्यक्त करू शकत नाही, परंतु मी तुझ्यावर खूप प्रेम करते. मी लहान असताना मी तुला अनेक गोष्टींसाठी झगडताना पाहिलं पण तू सगळं व्यवस्थित ठेवलंस. तू मला नेहमी उडण्यासाठी पंख दिलेस आणि मला जे व्हायचे आहे ते बनण्यास सांगितले.
मी तुझी साथ आणि आधार आहे. मला आठवते की मी जेव्हा मुंबईत करियरचा प्रवास सुरू केला तेव्हा कधी कधी माझ्याकडे भाडे भरायला पैसे नसायचे. पण तुमच्या जीवनात खुप काही गोष्टी चालु असल्या तरीही तुम्ही कायम माझ्या स्वप्नांवर तुम्ही विश्वास असल्यामुळे तुम्ही ते पूर्ण केले."
अंकीताने पुढे लिहिलं होतं की, "मी तुमच्यासाठी आहे आणि मी नेहमीच तुमचा ऋणी राहीन. कठीण काळात तुमच्या चेहऱ्यावर जो आनंद दिसला तो काही औरच होता आणि त्या काळात तुमच्या हसऱ्या चेहऱ्याने आम्हा सर्वांना पुढे जाण्याची प्रेरणा दिली. मला तुमची मुलगी असल्याचा खूप अभिमान आहे. बाबा तुझ्यावर सदैव प्रेम. फादर्स डेच्या शुभेच्छा पा. तुझी राजराजेश्वरी" अशी पोस्ट अंकीताने लिहीली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
