The Kashmir Files:'सत्य जाणून घेतलात तर..'अनुपम खेर यांचं ट्वीट चर्चेत

बॉलीवूड अभिनेता अनुपम खेर(Anupam Kher) सध्या 'द काश्मिर फाईल्स'(The kashmir Files) या त्यांच्या सिनेमामुळे चर्चेत आहेत. हा सिनेमा १९९० साली काश्मिरी पंडितांसोबत झालेल्या अत्याचारावर आधारित आहे. भारतभरात या सिनेमाची जोरदार प्रशंसा केली जात आहे. दिग्दर्शक विवेक अग्निहोत्रीचा हा सिनेमा पंतप्रधान नरेंद्र मोदीं(Narendra Modi)च्या देखील पसंतीस उतरला आहे. पंतप्रधान नरेंद्र मोदी यांनी सिनेमा पाहिल्यानंतर 'द काश्मिर फाईल्स'शी जोडल्या गेलेल्या सर्व टीमचं तोंडभरून कौतूक केलं. ते म्हणाले,''१९९० साली काश्मिरी पंडितांसोबत जे दृष्कृत्य झालं त्या सत्य घटनेवर आधारित हा सिनेमा आहे''. पंतप्रधान नरेंद्र मोंदी यांनी केलेल्या कौतूकासाठी आता सिनेमातील अभिनेते अनुपम खेर यांनी पंतप्रधान नरेंद्र मोदी यांचे आभार मानतानाच त्यांची प्रशंसा देखील केली आहे. अनुपम खेर यांनी सोशल मीडियावर यासंदर्भात एक व्हिडीओ शेअर केला आहे.

अनुपम खेर यांनी या व्हिडीओत नरेंद्र मोंदी यांनी सिनेमा पाहून कौतूक केल्यासाठी आभार मानले आहेत. अनुपम खेर सोशल मीडियावर सक्रिय पहायला मिळतात. ते नेहमीच आपल्या चाहत्यांसाठी खूप चांगल्या पोस्ट शेअर करताना दिसतात. अनुपम खेर यांनी आपल्या अधिकृत ट्वीटर अकाऊंटवर पंतप्रधान नरेंद्र मोदींच्या संभाषणाचा एक व्हिडीओ शेअर केला आहे. या व्हिडीओत पंतप्रधान नरेंद्र मोदी यांनी 'द काश्मिर फाईल्स' सिनेमाची प्रशंसा केली आहे. हा व्हिडीओ शेअर करत अनुपम खेर यांनी लिहिलं आहे,''सत्य योग्य पद्धतीनं देशासमोर आणलं तर त्यात देशाचेच भले असते. आमचा सिनेमा का पहायला हवा! द काश्मिर फाईल्स वर मनोगत व्यक्त करण्यासाठी मोदीजी आपले धन्यवाद. हा सिनेमा काश्मिरी हिंदूच्या नरसंहारामागचं सत्य कथन करतो''. अनुपम खेर यांच्या ट्वीट एकच गोष्ट सूचित करत आहे ते म्हणजे काश्मिरमधील त्या नरसंहारामागचं सत्य जाणून घ्यायचं असेल तर सिनेमा पहा.

सोशल मीडियावर अनुपम खेर यांचं हे ट्वीट जोरदार व्हायरल होत आहे. अनुपम खेर यांच्या चाहत्यांनीच नाही तर सर्वच नेटकऱ्यांनी त्यांच्या या ट्वीटला पसंती दर्शवली आहे. तसंच,प्रत्येकानं प्रतिक्रिया देखील नोंदवल्या आहेत. द काश्मिर फाईल्स'सिनेमा ११ मार्चला सिनेमागृहात प्रदर्शित झाला आहे. प्रदर्शनापासून सिनेमा चर्चेत आहे. देशातील अनेक राज्यात सिनेमा टॅक्स फ्री करण्यात आला आहे.