सबस्क्राईब करा
Rupali Ganguly at Mahakaleshwar Temple: टिव्ही मनोरंजन विश्वातील लोकप्रिय शो म्हणजे 'अनुपमा'. या मालिकेमुळे अभिनेत्री रुपाली गांगुली घराघरात पोहचली. तिला प्रेक्षकांचे प्रचंड प्रेम मिळाले आहे.
आज प्रसिद्ध टीव्ही अभिनेत्री रुपाली गांगुली उज्जैन बाबा महाकालच्या भस्म आरतीमध्ये सहभागी झाली होती. आरतीनंतर रुपालीने गर्भगृहात जाऊन महाकालचे आशीर्वाद घेतले. सध्या रुपालीचे फोटो सोशल मिडियावर व्हायरल होत आहेत.
एएनआयने सोशल मीडियावर रुपालीचे काही व्हिडिओ शेअर केले आहेत. ज्यामध्ये ती भक्तांसह बाबा महाकालच्या भक्तीत तल्लीन झाली. रुपालीने देवाचे आशीर्वाद घेतले आणि त्यांचे आभार मानले.
आज सकाळी रूपाली गांगुली भगवान महाकालच्या मंदिरात पोहोचली होती. तिथे तिने 'भस्म आरती'मध्ये भाग घेतला आणि भगवान महाकालचे आशीर्वाद घेतले. याआधीही 2023 मध्ये रुपाली गांगुली उज्जैनला गेली होती.
यावेळी मिडियासोबत बोलताना रुपालीने सांगितले की, ती महाकालच्या दर्शनासाठी अनेकदा गेली आहे. त्याच्या आशिर्वादानेच तिला तिच्या क्षेत्रात यश मिळाले आहे. ती महादेवाची मोठी भक्त आहे.
अभिनेत्री पुढे म्हणाली की, '2020 मध्ये मी पहिल्यांदा इथे आले आणि इथेच मला 'अनुपमा' या मालिकेत काम करण्याची ऑफर मिळाली. आता मी महादेवाकडे काही मागायला नाही तर त्यांचे आभार मानायला आली आहे.'
त्यानंतर रुपालीने इंस्टाग्रामवर स्टोरीमध्ये तिचा एक फोटो शेयर केला ज्यात तिने कॅप्शनमध्ये जय महाकाल असे लिहिले होते.
रुपाली गांगुली एक उत्तम अभिनेत्री आणि थिएटर कलाकार आहे. 'अनुपमा' या मालिकेपूर्वी 'सारा भाई वर्सेस सारा भाई' या मालिकेत दिसली होती. आता रुपालीला बरेच लोक अनुपमा या नावाने ओळखतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
