Arjun Kapoor Malaika : 'मलायकाला विचारात न घेता जर...', अर्जून काय बोलून गेला?

Arjun Kapoor Malaika : प्रसिद्ध अभिनेता अर्जून कपूर आणि मलायका यांच्या नात्याविषयी नेहमीच वेगवेगळ्या प्रकारे बोलले जाते. त्यांच्या लग्नाबाबत चाहत्यांना उत्सुकता आहे. करण जोहरच्या शो मध्ये अर्जून पुन्हा एकदा सहभागी झाला होता. त्यावेळी त्याला त्याच्या रिलेशनशिपविषयी आणि नेटकऱ्यांच्या प्रतिक्रियेविषयी विचारण्यात आले तेव्हा त्यानं दिलेल्या उत्तराची चर्चा रंगली आहे.

करणच्या शो मध्ये अर्जून काय बोलला....

कॉफी विथ करण शो मध्ये अर्जून आल्यानंतर त्याला करणनं वेगवेगळे प्रश्न विचारुन बोलते केले. मलायकाच्या त्या प्रश्नावर अर्जून म्हणाला की, मला नात्यावर विशेष काही टिप्पणी करायची नाही. तिच्या भविष्याचा निर्णय मी कसा काय घेणार, त्यावर मी एकटा कसा काय बोलेन, जेव्हा आम्ही कोणत्या एका ठाम निर्णयाचा विचार करु तेव्हा सांगेन. आता सध्या ज्या परिस्थितीत आहे त्याविषयी आनंदी आहे.

कायमच ट्रोलिंगला सामोरं जावं लागतं...

बऱ्याचवेळेला अर्जूनला मलायकासोबतच्या नात्यामुळे ट्रोलिंगचा सामना करावा लागत असल्याचे दिसून आले आहे. यापूर्वी त्याच्यावर चाहते आणि नेटकऱ्यांनी वेगवेगळ्या प्रकारे कमेंट करुन त्याला हैराण केले होते. त्यावर अर्जूननं ट्रोल करणाऱ्यांना चांगलेच सुनावले होते. लोकांना बोलणं फार सोपं वाटतं. आपण जेव्हा कुण्या एखाद्या सेलिब्रेटीविषयी बोलतो तेव्हा त्याचा त्यांच्या आयुष्यावर होणारा परिणाम किती गंभीर असू शकतो हे लक्षात घेत नाही.

ट्रोलिंगवर बोलताना अर्जून म्हणतो की, मला जेव्हा लोकं टीका करतात तेव्हा त्याचे फारसे काही वाटेनासे झाले आहे. शेवटी मी त्यांना कितीवेळा त्याच त्याच गोष्टींविषयी सांगणार. त्यांच्या बोलण्यातून ते कोणत्या परिवेशातून आले आहे याच्याविषयी कळते. एक मात्र खरं की त्या प्रतिक्रियांचा धाडसानं सामना करावा लागतो. माझा जो काही निर्णय असेल तो मलायका आणि तिचं भविष्य यांना विचारात घेऊन असेल. त्यासाठी तिचं मत आवश्यक आहे.

टीका करणाऱ्यांना फक्त अमूक एखाद्या गोष्टींवर बाकीच्यांचे लक्ष कसे वेधले जाईल याविषयी उत्सुकता असते. लोकं माझंही लक्ष विचलित करण्याचा प्रयत्न करत असतात. पण मी दरवेळी त्याच विषयावर प्रतिक्रिया देण्यास टाळतो. नेटकरी जे काही बोलतात त्याचा आमच्यावर परिणाम होतो. असेही अर्जूननं यावेळी सांगितले.