एकता कपूर आणि आई शोभा कपूरला होणार अटक... वॉरंट जारी

टेलिव्हिजन ड्रामा आणि एकता कपूर हे गमक सर्वश्रुत आहे.तिचे अनेक शो टीआरपीचे रेकॅार्ड तोडतात. मात्र एक वेबसीरीज करणं तिला महाग पडल्याचं दिसतय.एकता कपूर आणि आई शोभा कपूर या दोघींविरुद्ध अटक वॉरंट जारी करण्यात आलय. बिहार न्यायालयाने हे अटक वॉरंट जारी केलं आहे. xxx ही वेबसीरीज बनवणं तिच्या अंगलट आलय.आता बिहारच्या बेगुसरायमध्ये या वेबसीरीज विरोधात तक्रार दाखल करण्यात आली होती.या तक्रारीनंतर आता दोघींविरुद्ध अटक वॉरंट जारी करण्यात आलं आहे.

xxx या वेब सीरिजमध्ये सीमेवर तैनात राहून सुरक्षा प्रदान करणाऱ्या सैनिकाची पत्नी सैनिकाच्या गणवेशात इतर लोकांशी शारीरिक संबंध करते असे दाखविण्यात आले होते. संपूर्ण देश सैनिकाच्या गणवेशापुढे नतमस्तक होतो.लष्कराचा अपमान मानून देशाचं रक्षण करणारे भारतीय सैनिक ज्यांच्यामुळे प्रत्येक व्यक्ती आज सुरक्षित आहे. या वेबसीरिजमध्ये सैनिकांच्या पत्नीबाबत काही अत्यंत चुकीचे सीन दाखवण्यात आल्याचा आरोप त्यांच्यावर करण्यात आला आहे.

वेबसीरिज कंपनीच्या निर्मात्या एकता कपूर आणि शोभा कपूर यांनी ही निकृष्ट वेबसीरिज एका वेब पोर्टलवर टाकली होती. ज्यामध्ये भारतीय सैनिकांचा अपमान करण्यात आला असल्याचे बेगुसरायचे वकील हृषिकेश पाठक यांनी सांगितले. तमिला अहवालाची पुष्टी करताना या दोघींविरुद्ध अटक वॉरंट जारी करण्यात आलं आहे. हे प्रकरण राजीव कुमार यांच्या कोर्टातून विकास कुमार यांच्या कोर्टात हस्तांतरित झाला आणि तेथूनच हे अटक वॉरंट जारी झालय.

दरम्यान ,वाद वाढल्यानंतर एकता कपूरने आपली चूक मान्य करत वेब सीरिजमधून हा सीन लगेच काढून टाकला होता. एकता कपूरने याबद्दल लोकांची माफीही मागितली आहे. असे असतानाही या वेबसिरीजबाबत देशाच्या अनेक भागांत विरोध होत आहे.अखेर या दोघींविरुद्ध अटक वॉरंट जारी करण्यात आलं असून तिला अटक होणार का?तिची भुमिका काय असेल? हे पाहणे महत्वाचे ठरेल.