Lalita Lajmi : 'तारे जमीन पर' चित्रपटात काम करणाऱ्या ज्येष्ठ कलाकार ललिता लाजमी यांचे निधन

Lalita Lajmi : ज्येष्ठ कलाकार ललिता लाजमी यांचे सोमवारी निधन झाले. त्या ९० वर्षांच्या होत्या. ललिता लाजमी या दिग्दर्शक-अभिनेते गुरु दत्त यांच्या बहिण होत्या. त्यांनी आमिर खानच्या 'तारे जमीन पर' या चित्रपटात काम केले होते. या चित्रपटात त्यांची खास भूमिका होती. 

ललिता लाजमी या ख्यातनाम चित्रकार होत्या. त्यांच्या मृत्यूची माहिती जहांगीर निकोल्सन आर्ट फाऊंडेशनने सोशल मीडियावर दिली आहे. 

ललिता ख्यातनाम चित्रकार होत्या. त्यांचा जन्म १९३२ साली कोलकाता येथे झाला होता. मोठा भाऊ गुरु दत्त यांच्याप्रमाणेच त्यांचाही कल शास्त्रीय नृत्याकडे होता.

बीबी बेनेगल त्यांचे एक काका होते. ज्यांचा गुरु आणि ललिता या दोघांच्याही आयुष्यात मोठा वाटा होता.