Ayesha Kapoor Casting Couch : 'माझी बायको हो, मग तुला...' प्रसिद्ध अभिनेत्रीला दिली ऑफर

Ayesha Kapoor Casting Couch : मनोरंजन विश्वामध्ये अभिनेत्रींना कास्टिंग काऊचच्या नावाखाली त्रास देण्याचे, त्यांचे मानसिक खच्चीकरण करण्याचे अनेक प्रसंग दिसून आले आहेत. त्यात काही दिग्गज अभिनेत्रींच्या नावाचा देखील समावेश आहे. आता पुन्हा एका अभिनेत्रीनं तिच्यावर झालेल्या मी टूच्या आरोपांविषयी, आणि कास्टिंग काऊचविषयी सांगितलं आहे.

सोशल मीडियावर यापूर्वी बॉलीवूडमधील कित्येक अभिनेत्रींनी त्यांच्यावर झालेल्या कास्टिंग काऊचविषयी भाष्य केलं आहे. आता त्यात आयशा कपूर नावाच्या अभिनेत्रीच्या नावाची भर पडली आहे. तिनं आपल्याला बॉलीवूडमध्ये एका कास्टिंग डिरेक्टरनं कशाप्रकारे मानसिक आणि शाररिक त्रास दिला याविषयी धक्कादायक खुलासा केला आहे. त्यानंतर तिच्या चाहत्यांना देखील मोठा धक्का बसला आहे.

Also Read - ढोलेरा- ग्रीनफिल्ड सिटी आणि महाप्रचंड औद्योगिक हब...

बॉलीवूडच्या झगमगत्या दुनियेत पडद्याआड काय घडते याबाबत अनेकांना माहिती नसते. अशातच प्रसिद्ध अभिनेत्रीच्या बाबत घडलेल्या प्रकारानं चाहत्यांना मोठा धक्का बसल्याचे दिसून आले आहे. आज बॉलीवूडमध्ये ज्या टॉपच्या अभिनेत्री आहेत. त्यांना देखील कास्टिंग काऊच सारख्या प्रकारांना सामोरं जावं लागल्याचे दिसून आले आहे. शोबिजच्या दुनियेमध्ये जेव्हा अशाप्रकारचे काही प्रसंग घडतात त्यानंतर त्याची बराचकाळ चर्चा होत राहते.

टीव्ही मनोरंजन विश्वामध्ये आपल्या सादरीकरणामुळे नेहमीच चर्चेत राहिलेल्या आयशा कपूरनं एक धक्कादायक खुलासा केला आहे. तिनं आपल्याला निर्मात्यानं चित्रपटामध्ये काम देण्यासाठी चक्क लग्नाची मागणी घातली होती. माझी बायको झाल्यास तुला हवा तो रोल तू करु शकतेस अशी अट त्या कास्टिंग डिरेक्टरनं ठेवल्याचा धक्कादायक खुलासा आयशानं केला आहे.

आयशानं वेगवेगळ्या मालिकांमध्ये आणि सीरिजमध्ये काम केले आहे. तिचा चाहतावर्गही मोठा आहे. तिच्या अभिनयाचे कौतूकही झाले आहे. यासगळ्यात एक मालिकेमध्ये लीड रोलसाठी जेव्हा तिच्या नावाची चर्चा सुरु झाली तेव्हा कास्टिंग डिरेक्टरनं तिला थेट लग्नाची मागणी घातली होती. असा खुलासा आयशानं केला आहे.