Ram Lalla Pran Pratishtha : अयोध्येतील प्रभु श्रीराम यांच्या (Ram Mandir Inauguration) प्राणप्रतिष्ठा सोहळ्याची जय्यत तयारी सुरु आहे. ती आता अंतिम टप्प्यात आली असून त्यात सहभागी होण्यासाठी अनेक (Latest entertainment news) राज्यांनी सुट्ट्या जाहीर केल्या आहेत. केंद्रीय सरकारी कर्मचाऱ्यांना देखील अर्ध्या सुट्टी देण्यात आल्याचे सांगण्यात आले आहे.
अशातच देशातील मनोरंजनाचे महत्वाचे केंद्र असलेल्या बॉलीवूडला ( Bollywood Latest news) देखील त्या दिवशी सुट्टी देण्यात आल्याची माहिती आहे. ज्या दिवशी अयोध्येत प्रभु श्रीराम यांच्या मंदिराचा भव्य उद्घघाटन सोहळा पार पडणार आहे त्यादिवशी म्हणजे २२ जानेवारील बॉलीवूडमध्ये कोणत्याही प्रकारचे शुटींग होणार नाही. अशी माहिती सुत्रांनी दिली आहे. जनसत्तानं याबाबत अधिक माहिती देणारे वृत्त दिले आहे.
गेल्या अनेक दिवसांपासून देशभरातील नागरिक त्या ऐतिहासिक दिवसांची वाट पाहत आहेत. उद्या (२२ जानेवारी) अयोध्येत मोठा सोहळा पार पडणार असून त्याला देशभरातील विविध क्षेत्रातील मान्यवर उपस्थित राहणार असल्याचे सांगण्यात येत आहे. राजकीय, सामाजिक, मनोरंजन, क्षेत्रातील सेलिब्रेटी त्या सोहळ्याला हजेरी लावणार आहेत.
फेडरेशन ऑफ वेस्टर्न इंडिया सिने इम्प्लॉज (FWICE) च्या वतीनं एक दिवसाच्या सुट्टीची घोषणा करण्यात आली आहे. २२ जानेवारीच्या दिवशी बॉलीवूडमधील सर्व काम बंद ठेवण्यात येणार असल्याची माहिती आहे. एफआयड्ब्ल्यूसीइचे अध्यक्ष बी एन तिवारी यांनी यावेळी या माहितीला दुजोरा दिला आहे.
अयोध्या मंदिराच्या उद्घघाटनासाठी बॉलीवूडच्या अनेक सेलिब्रेटींना निमंत्रण मिळाले आहे. त्यामध्ये साऊथ इंडस्ट्रीतल अनेक कलाकारांचाही समावेश आहे. महानायक बिग बी अमिताभ बच्चन, थलायवा रजनीकांत, अनुपम खेर, अजय देवगण, कंगना रनौत, रणबीर कपूर, रणवीर सिंह, आलिया भट्ट, सनी देओल, हेमा मालिनी, मधूर भांडारकर, यश, प्रभास, चिरंजीवी यांच्या नावाचा समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
