Baipan Bhaari Deva: परमेश्वर प्रत्येक चित्रपट गृहात अवतरला.. बाईपण भारी देवा चा बॉक्स ऑफीसवर नवा रेकॉर्ड

Baipan Bhaari Deva Box Office Report: बाईपण भारी देवा सिनेमा बॉक्स ऑफीसवर दमदार कामगिरी करतोय. सिनेमा अजुनही थिएटरमध्ये हाऊसफुल्ल गर्दीत सुरु आहे.

अशातच बाईपण भारी देवा सिनेमाने बॉक्स ऑफीसवर नवीन रेकॉर्ड केलाय. बाईपण भारी देवा सिनेमाने वेडचा रेकॉर्ड मोडीत काढत कमाईचा नवीन विक्रम केलाय.

(baipan bhaari deva latest box office report break ved movie box office collection directed by kedar shinde)

बाईपण भारी देवाचा लेटेस्ट बॉक्स ऑफीस रिपोर्ट

बाईपण भारी देवा लेटेस्ट बॉक्स ऑफीस रिपोर्ट समोर आलाय. यावरुन दिसतं की... ३० दिवसात बाईपण भारी देवा सिनेमाने ७० कोटीहून जास्त कमाई केलीय.

हॉलीवूड - बॉलीवूडच्या गर्दीतला मऱ्हाठमोळा आकडा, असं कॅप्शन देत ही आनंदाची बातमी बाईपण भारी देवा सिनेमाच्या टीमने शेअर केलीय.

बाईपण भारी देवा यशस्वी कामगिरी पाहून दिग्दर्शक केदार शिंदे म्हणतात..

केदार शिंदे बाईपण भारी देवाच्या रेकॉर्डब्रेक कामगिरी बद्दल म्हणतात.. "आपण न मागता परमेश्वर भरभरून देतो.. तो नेमका कोणत्या रूपात प्रकट होतो? ते कधीच कळत नाही. यावेळी मात्र त्याचं रूप पाहिलं.. रसिक प्रेक्षकांच्या रूपातच परमेश्वर प्रत्येक चित्रपट गृहात अवतरला. आणि पदरात दान टाकून गेला.. अजून बराच पल्ला गाठायचा आहे. परमेश्वर साथ सोडणार नाहीच, याची खात्री आहे. श्री स्वामी समर्थ महाराज की जय. श्री सिध्दीविनायक महाराज की जय."