Baipan Bhaari Deva OTT News: 'बाईपण भारी देवा' सिनेमाने २०२३ वर्ष चांगलंच गाजवलं. २०२३ च्या जून महिन्यात बाईपण भारी देवा रिलीज झाला. आणि सिनेमाने बॉक्स ऑफीसवर भरघोस कमाई केली.
महिलावर्गाने सिनेमा पाहायला गर्दी केलीच शिवाय लहानांपासून मोठ्यांपर्यंत अनेकांना सिनेमा आवडला. थिएटर गाजवणारा 'बाईपण भारी देवा' ओटीटीवर कधी पाहायला मिळणार, याची अनेकांना उत्सुकता होती.
अखेर प्रतीक्षा संपली आहे. 'बाईपण भारी देवा' ओटीटीवर रिलीज झालाय. कधी? कुठे? पाहायचा. वाचा पुढे.
बाईपण भारी देवा बोले तो लय भारी असं कॅप्शन देत डिझ्ने + हॉटस्टारने बाईपण भारी देवा ओटीटीवर रिलीज झाल्याची घोषणा केलीय. यामुळे आता हॉटस्टारवर 'बाईपण भारी देवा' रिलीज झालाय.
हॉटस्टारच्या माध्यमातून सहकुटुंब 'बाईपण भारी देवा' सुपरहिट आस्वाद सर्वांना घेता येईल. विशेष म्हणजे मराठीसोबतच हिंदीमध्येही 'बाईपण भारी देवा' हॉटस्टारवर रिलीज करण्यात आलाय. त्यामुळे अमराठी लोकांनाही 'बाईपण भारी देवा' बघता येईल.
'बाईपण भारी देवा' सिनेमाचे दिग्दर्शक केदार शिंदे आणि निर्माते JIO STUDIOS ने 'बाईपण भारी देवा' सिनेमाचा लेटेस्ट बॉक्स ऑफीस रिपोर्ट जारी केलाय. यात पहायला मिळतं की, बाईपण भारी देवा सिनेमाने ७६. ०५ कोटींची कमाई केलीय.
२०२३ मध्ये जे मराठी सिनेमे रिलीज झालेत त्या सर्व सिनेमांमध्ये बाईपण भारी देवा सिनेमाची कमाई ऐतिहासीक म्हटली जाते.
बॉलिवूडचे गदर 2 आणि OMG 2 हे मोठे सिनेमे समोर असुनही बाईपण भारी देवाने चांगली कमाई केली.
३० जून रोजी प्रदर्शित झालेल्या 'बाईपण भारी देवा' चित्रपटाने बॉक्स ऑफिसवर कमालीची कमाई केली आहे. दिग्दर्शक केदार शिंदे यांच्या या चित्रपटात सहा अभिनेत्रींनी आपल्या अभिनयाने लाखो मनं जिंकली.
रोहिणी हट्टंगडी, वंदना गुप्ते, सुचित्रा बांदेकर, शिल्पा नवलकर, सुकन्या मोने आणि दीपा परब या मुख्य भूमिका साकारलेल्या सर्व अभिनेत्रींवर कौतुकाचा वर्षाव झाला
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
