'बाजिराव-मस्तानी' पुन्हा येणार प्रेक्षकांच्या भेटीला! अभिनेता रजनीश दुग्गल साकारणार मुख्य भूमिका

मुंबई ः सन २०१५ मध्ये आलेल्या संजय लीला भन्साळी निर्मित व दिग्दर्शित “ बाजीराव मस्तानी ” या चित्रपटाला  प्रेक्षकांनी उदंड प्रतिसाद दिला होता. हा चित्रपट तेव्हा वाद-प्रतिवाद तसेच निषेध आणि समर्थन अशा विविध गोष्टींनी गाजला होता. मात्र बॉलीवूडमध्ये या फिल्मची नक्कीच आगळीवेगळी निर्मिती म्हणून नोंद राहील. रणवीर ,दीपिका व प्रियांका यांच्या भूमिकांसह सर्वच कलाकारांच्या अभिनयाला  प्रेक्षकांनी पसंती दिली होती.

पुण्याचा स्वाभिमान की मुंबईचा स्पष्टवक्तेपणा..? मुंबई-पुणे-मुंबई चित्रपटाला दहा वर्षे पूर्ण..

आता पुन्हा एकदा “ बाजीराव मस्तानी ” प्रेक्षकांच्या भेटीस येत आहे. मात्र या वेळी हे कथानक रंगभूमीवर सांगितिक स्वरुपात येणार आहे. कथ्थक गुरुवर्य पंडित बिरजू महाराज या सांगितिक शोचे क्रिएटीव्ह दिग्दर्शक असतील . या अगोदरही बिरजू महाराजांनी संजय लीला भन्साळी यांच्या काही फिल्ममधील गाण्यांना कोरीओग्राफ केले होते. विशेष म्हणजे या सांगितिक शोमध्ये “ मल्हारी ” या सुपरहिट गाण्यांसह चित्रपटातील सर्व  गाण्यांचा अंतर्भाव असेल.
या चित्रपटात बाजीराव पेशवा ही व्यक्तिरेखा रणवीर सिंहने साकारली होती. आता या सांगितिक कथानकामध्ये अभिनेता रजनीश दुग्गल या गुणी कलाकाराची निवड झाल्याचे समजते. आता रजनीश रणवीरच्या भूमिकेचे धनुष्य कसे पेलणार याकडे  सर्वांचेच लक्ष लागलेले आहे. याशिवाय दोन प्रसिद्ध कथ्थक नृत्यांगना शैलजा नलावडे व अनुसया मुजुमदार या
मस्तानी आणि काशीबाईच्या भूमिका साकारणार आहेत . प्राॅडक्शन टीम व रजनीश यांच्या माहितीनुसार सांगीतिक शोमध्ये बारा कलाकारांसह पन्नास
नृत्य कलाकार यांचा सहभाग असेल.

लॉकडाऊनमध्ये मोबाईलवर चित्रित आणि दिग्दर्शित झाली 'ही' शॉर्टफिल्म

रजनीशने या भूमिकेतील बारकावे लक्षात येण्यासाठी कित्येक वेळा बाजीराव मस्तानी हा चित्रपट पाहिलेला आहे.तो सांगतो, की रणवीर सिंहने ही भूमिका एका वेगळ्या उंचीवर नेऊन ठेवली आहे. मला ती साकारताना खूप काळजी घ्यावी लागणार आहे. हा कार्यक्रम लाईव्ह असल्याने जबाबदारी खूप मोठी आहे. पंडित बिरजू महाराज यांच्याकडन सेमी क्लासिकल डान्सचे ४० दिवसांचे प्रशिक्षण घेतले आहे. लवकरच हा कार्यक्रम येईल आणि पहिल्यांदा दिल्ली आणि नंतर दुबई व लंडन येथे होईल.