'कोई मंत्र पढता है तो कोई नमाज' देशातील सध्यस्थितीवर मनोज वाजपेयी..

'द फॅमिली मॅन'(The Family Man) मुळे मनोज वाजपेयीनं (Manoj Bajpayee) एक अभिनेता म्हणून पुन्हा लोकांच्या मनावर राज्य करायला सुरुवात केली आहे. त्या सीरीजमध्ये त्यानं साकारलेला रफ अॅन्ड टफ पोलिस ऑफिसर लोकांना आवडलाय. सीरिजच्या पहिल्या दोन भागांना प्रेक्षकांनी भरपूर पंसंती दिली. सध्या ओटीटी प्लॅटफॉर्मवर मनोज वाजपेयी हे खणखणीत वाजणारं नाणं आहे असं म्हटलं तर नक्कीच चुकीचं ठरणार नाही. केवळ वेब सिरीजच नाही तर चित्रपट आणि वैचारिक पटलावरही त्याने स्वतःच वेगळेपण दाखवल आहे. त्याच फॅमिली मॅनचा आज बड्डे...

त्यानिमित्तानं मनोज वाजपेयीची एक कविता चांगलीच व्हायरल होत आहे विशेष म्हणजे ही कविता सध्यस्थितीवर भाष्य करणारी आहे. गेल्या काही दिवसातील देशातील राजकीय सामाजिक वातावरण पूर्णतः गढूळ झाले आहे. धर्मांवरून माणसामाणसात भेद निर्माण होईल अशी स्थिती आहे. हिंदू आणि मुस्लिम यांच्यात नाना कारणाने तंटाजन्य स्थिती निर्माण झाली आहे. देशातच नाही महाराष्ट्रातही तीच स्थिती आहे. यावर मनोज वाजपेयी यांची 'भगवान और खुदा' ही कविता सडेतोड भाष्य करते. ही कविता सध्या समाज माध्यमांवर व्हायरल होत आहे.

ही कविता मिलाप झवेरी यांनी लिहिली (milap zaveri) असून त्यांनीच संगीतबद्ध केली आहे. मिलाप झवेरी हे स्वतः उत्तम दिग्दर्शक आहेत. या कवितेचे अभिवाचन मनोज वाजपेयी यांनी केलं आहे. त्यांच्या आवाजाने शब्दांमध्ये जणू प्राण भरले आहेत. देशातील धार्मिक वास्तवावर भाष्य करणाऱ्या या कविता धार्मिक प्रार्थना, दंगली यांचे संदर्भ येतात. या कवितेत 'देव आणि खुदा' एकत्र बसून देशातील धार्मिक गोष्टीवर चर्चा करताना दिसतात. मिलाप यांनी ही कविता स्वतःच्या अकाऊंटवरून शेअर केली असून काही तासात लाखो चाहत्यांनी त्याला पसंती दिली आहे.

"भगवान और खुदा आपस में बात कर रहे थे. मंदिर और मस्जिद के बीच मुलाकात कर रहे थे. कि हाथ जोड़े हुए हो या दुआ में उठे. कोई फर्क नहीं पड़ता है. कोई मंत्र पढ़ता है तो कोई नमाज पढ़ता है. इंसान को क्यों नहीं आती शर्म है, जब वह बंदूक दिखा कर पूछता है कि क्या तेरा धर्म है. उस बंदूक से निकली गोली न ईद देखती है ना होली, सड़क पे बस सजती है बेगुनाह खून की होली. भगवान और खुदा आपस में बात कर रहे थे, मंदिर और मस्जिद के बीच किसी चौराहे पर मुलाकात कर रहे थे." अशी ही कविता आहे.