Bharat Vs India Memes : 'इंडिया'चे नामकरण 'भारत' झाल्यास कुणाची नावं कशी असतील? नेटकऱ्यांच्या 'क्रिएटिव्हिटी'ला तोड नाय!

Bharat Vs India PM Narendra Modi Party Social : देशामध्ये सध्या एका वेगळ्याच चर्चेला सुरुवात झाली आहे. ती म्हणजे पंतप्रधान नरेंद्र मोदी यांच्याविरोधात एकजूट करत आपला वेगळी आघाडी उभारणाऱ्या इंडियाची चांगलीच धास्ती सत्ताधारी पक्षानं घेतल्याचे दिसून आले आहे.

पंतप्रधान नरेंद्र मोदी यांना आगामी निवडणूकीत पराभूत करण्यासाठी देशातील वीसहून अधिक पक्षांनी त्यांच्याविरोधात आक्रमक भूमिका घेतली आहे.त्यात कॉग्रेसचे सर्वेसर्वा राहुल गांधीपासून वेगेवगळ्या राज्यातील प्रमुख राजकीय नेत्यांचा समावेश या आघाडीमध्ये करण्यात आला आहे. अशातच सध्या सोशल मीडियावर मात्र वेगळ्याच चर्चेला उधाण आल्याचे दिसून येत आहे.

Also Read - हॅप्पी हार्मोन...

यापुढील काळामध्ये इंडिया नव्हे तर भारत असे नाव सर्वच ठिकाणी असेल अशी भूमिका पीएमओ कार्यालयाकडून घेण्यात आल्याचे कळते आहे. जी २० बैठकीसाठी देखील भारतानं जेव्हा वेगवेगळ्या देशांना निमंत्रण पाठविण्यास सुरुवात केली त्याच्या पत्रिकेवर देखील इंडिया असा उल्लेख नसून तो भारत असा केला गेला आहे. याशिवाय सोशल मीडियावरील मीम्स देखील भन्नाट आहेत.

नेटकऱ्यांनी ज्या क्रिएटिव्हीटीनं मीम्स तयार केले आहेत त्याला तोड नाही. आता तर माजी भारतीय क्रिकेटपटू विरेंद्र सेहवागनं देखील इंडिया हा नामोल्लेख काढून तो भारत असा करावा असे म्हटले आहे. बॉलीवूडचे बिग बी अमिताभ बच्चन यांनी देखील भारत माता की जय असे ट्विट केले आहे. यामुळे येत्या काळात इंडिया विरुद्ध भारत असा संघर्ष दिसून येणार आहे. त्याची सुरुवात काही दिवसांपासून सोशल मीडियावर सुरु झाली आहे.

यापूर्वी साऊथ आफ्रिकेचा प्रसिद्ध खेळाडू जाँटी ऱ्होडसची मुलगी आणि अॅव्हेजर्समधील कलाकार ख्रिस हेम्सवर्थची मुलगी या दोघींची नावं देखील इंडिया असल्यानं त्या देखील सोशल मीडियावर ट्रेंड होताना दिसत आहे. त्यामुळे येत्या काळात आता बॉलीवूडचा खिलाडी अक्षय कुमार देखील भारत नावाचा चित्रपट तयार करणार आहे. याशिवाय एसबीआय या भारतातील सर्वात मोठ्या बँकेचे नामकरण देखील स्टेट बँक ऑफ भारत असे होणार आहे. अशा प्रकारचे मीम्स नेटकऱ्यांचे लक्ष वेधून घेताना दिसत आहेत.