Akanksha Dubey death case: 'माझ्या लेकीला जाऊन चार महिने झाले मात्र..' आकांक्षा दुबेची आई अजूनही न्यायाच्या प्रतिक्षेत..

Bhojpuri Actress Akanksha Dubey Mother Video Viral: भोजपुरी अभिनेत्री आकांक्षा दुबे हिने आत्महत्या करत आपलं जिवन संपवलं होतं. वाराणसीतील एका हॉटेलमध्ये तिचा मृतदेह सापडला आहे. आता आकांक्षाच्या मृत्यूला 4 महिने झाले मात्र तरीही या प्रकरणाचा अद्याप तपास सुरु आहे.

आता आकांक्षाच्या आईनं एक व्हिडिओ शेयर केला आहे. ज्यात तिने तिच्या लेकीसाठी न्याय मागितला आहे. आकांक्षा दुबेच्या आईने तिच्याच इंस्टाग्राम अकाउंटवर एक व्हिडिओ शेयर केला आहे. ज्यामध्ये ती आपल्या मुलीला न्याय मिळावा म्हणून आक्रोश करतांना दिसली.

या व्हिडिओत आकांक्षाची आई म्हणते की, तिच्या मुलीच्या मृत्यूला ४ महिने झाले आहेत, पण तिच्या मुलीला न्याय मिळवून देण्यासाठी भोजपुरी इंडस्ट्रीतुन कोणीही पुढे आलेलं नाही. प्रत्येकजण स्वतःमध्ये व्यस्त आहे . सगळे गप्प का आहेत. कोणीही काहीही बोलायला पुढे येत नाहीत. माझी मुलगी आकांक्षा भोजपुरी इंडस्ट्रीला तिचं कुटुंब मानायची. तिचं कुटुंब आता कुठे गेले? जे माझ्या मुलीला न्याय मिळवून देऊ शकतो.

आकांक्षाची आई व्हिडिओमध्ये असेही म्हणते की, पवन सिंह , राकेश मिश्रा माझ्या घरी आले मात्र माझ्या मुलीला न्याय मिळवून देण्यासाठी पुढे का आला नाही? तिची आई सीबीआय चौकशीची मागणी करत आहे. त्यांनी या व्हिडिओत समर सिंग आणि संजय सिंग यांच्यावर आरोप केले आहेत. त्यांनी आरोपींना फाशीची शिक्षा देण्याची मागणी केली आहे.

आकांक्षा दुबेच्या मृत्यूप्रकरणी तिच्या आईने भोजपुरी गायक समर सिंह आणि त्याचा सहकारी संजय सिंह यांच्यावर हत्येचा आरोप केला ,त्यांनी आकांक्षावर आत्महत्येस प्रवृत्त केल्याचा गुन्हाही दाखल केला आहे.

यापुर्वीही आकांक्षा दुबे आत्महत्या प्रकरणात समर सिंहवर आकांक्षाच्या कुटूंबाने गंभीर आरोप केले आहेत. समर सिंह त्यांच्या मुलीला धमकावत असल्याचा आरोप मामा, मावशी आणि आजोबांनी केला आहे.

गेल्या तीन वर्षांपासून तो तिच्यावर अत्याचार करत होता. एवढेच नाही तर त्याने आकांक्षाकडून ५ कोटी रुपये घेतले होते. तिने त्याच्याकडे पैसे मागितले असता तो तिला जीवे मारण्याची धमकी द्यायचा. असे अनेक आरोप आकांक्षाच्या आईने केले होते.