Amala Paul Pregnancy News: अजय देवगणच्या भोला सिनेमात काम केलेली प्रसिद्ध अभिनेत्री अमला पॉल आणि जगत देसाई यांनी काहीच महिन्यांपुर्वी एकमेकांशी लग्न केलं. केरळमधील कोची येथे ५ नोव्हेंबरला अमला आणि जगत यांचा विवाहसोहळा पार पडला.
आता या दोघांच्या आयुष्यात नवीन पाहुणा येणार आहे. ३ जानेवारीला दोघांनी ही गुड न्यूज सर्वांसोबत शेअर केली. दोघांनी त्यांच्या प्रेग्नेंसी फोटोशूटमधील आकर्षक फोटो शेअर केले आहेत. तिचे चाहते आणि मित्र या जोडप्याला त्यांच्या नवीन प्रवासासाठी शुभेच्छा देत आहेत.
अमला पॉल आणि जगत देसाई यांचा 26 ऑक्टोबर 2023 रोजी साखरपुडा झाला होता. आता नवीन वर्षाच्या सुरुवातीला म्हणजेच 3 जानेवारीला अमला आणि जगत यांनी ते आई - बाबा होणार असं जाहीर केलं.
सोशल मीडियावर अमलाने तिच्या बेबी बंपचे खास फोटो शेअर केले आहेत. "आता मला माहित आहे की 1+1 = 3 हे तुझ्यासोबक आहे!" असं कॅप्शन त्यांनी या पोस्टला दिले.
अमला पॉल ही तमिळ, मल्याळम आणि हिंदी चित्रपटांमध्ये काम करणारी अभिनेत्री आहे. ती शेवटची मामूटीच्या 'क्रिस्टोफर'मध्ये दिसली होती. याशिवाय अजय देवगणच्या 'भोला'मध्ये तिने विशेष भूमिका साकारली होती.
ती आता पृथ्वीराज आणि दिग्दर्शक ब्लेसी यांच्या 'आदुजीविथम' या आगामी सिनेमात झळकणार आहे. याशिवाय आसिफ अली श्राफुदीनचा 'लेव्हल क्रॉस' याही सिनेमात सुद्धा झळकणार आहे.
जगत देसाई हा गोव्यात व्हिला विक्रीचा व्यवसाय करतो. नोव्हेंबर 2023 मध्ये लग्न करण्यापूर्वी अमला आणि जगत एकमेकांना अनेक महिने डेट करत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
