बॉलिवूडचा सिंघम अजय देवगणच्या 'दृश्यम 2' ने बॉक्स ऑफिसवर रेकॉर्डतोड कमाई केली होती. त्यामुळे आता त्याच्या भोला या चित्रपटाकडूनही प्रेक्षकांना खुप अपेक्षा होत्या. रामनवमीच्या मुहूर्तावर 'भोला' या अॅक्शन-थ्रिलर काल थिएटरमध्ये रिलिज झाला.
'भोला' बनलेल्या अजय देवगणच्या अभिनयापासून ते दिग्दर्शनापर्यंत त्याचे खूप कौतुक होत आहे. समीक्षकांनी या चित्रपटाचे भरपूर कौतुक केले आहे, तर सोशल मीडियावर लोकांनी 'भोला'ला फुल पैसा वसूल चित्रपट म्हटले आहे.
रिलीजपूर्वीच प्रेक्षकांमध्ये या चित्रपटाची प्रचंड क्रेझ होती. पहिल्या दिवशी 'भोला'साठी चित्रपटगृहांमध्ये मोठी गर्दी पाहायला मिळाली. दरम्यान, चित्रपटाच्या सुरुवातीच्या दिवसाच्या कमाईचेही आकडेही आता समोर आले आहेत.
सुरुवातीच्या आकडेवारीनुसार 'भोला'ने पहिल्याच दिवशी 11.50 कोटींचे कलेक्शन केले आहे. तरी बजेटच्या तुलनेत हे चांगले कलेक्शन चांगले नाही. 'भोला'ने पहिल्याच दिवशी सरासरी कमाई केली आहे. असे म्हटल्यास वावगं ठरणार नाही.
'भोला' हा चित्रपट जवळपास 125 कोटींच्या बजेटमध्ये बनला आहे. बजेटचा विचार करता 'भोला'ला पहिल्याच दिवशी कमाई चांगली नाही.
पहिल्या दिवशी बंपर कमाई करणाऱ्या अजय देवगणच्या इतर चित्रपटांच्या ओपनिंग डे कलेक्शनबद्दल बोललं तर 'भोला' खालच्या स्तरावर आहे. 'दृश्यम 2' ने रिलीजच्या पहिल्याच दिवशी 15.38 कोटी रुपयांची कमाई केली होती.
हे फक्त पहिल्या दिवसाचे कलेक्शन असल्याने चित्रपट हिट की फ्लॉप हे सांगणे कठिण आहे. तरी समिक्षक आणि प्रेक्षकांच्या प्रतिक्रियेनुसार या चित्रपट हिट असल्याचे बोलले जात आहे. वीकेंडमध्ये चित्रपटाच्या कलेक्शनमध्ये आणखी वाढ होण्याची अपेक्षा निर्मात्यांना आहे.
‘लोकेश युनिव्हर्स’च्या प्रसिद्ध कैथी चित्रपटाचा ‘भोला’ हा अधिकृत रिमेक आहे. या चित्रपटात अजयसोबतच तब्बू, दीपक डोबरियाल, संजय मिश्रा, विनीत कुमार आणि गजराज राव हे कलाकारही आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
