Mousumi Nayak Arrest News: ओरिया फिल्म इंडस्ट्रीतून एक धक्कादायक बातमी समोर येत आहे. ओरिया अभिनेत्री मौसमी नायकला पोलिसांनी अटक केली आहे. ओडिशा पोलिसांनी सोमवारी अभिनेत्री मौसमी नायकला एका तरुण महिला लेखिकेला ब्लॅकमेल केल्याबद्दल आणि तिची सार्वजनिक प्रतिमा खराब केल्याबद्दल अटक केली. एवढेच नाही तर मौसमीने लेखिका बनस्मिता पतीसोबत गैरवर्तन केल्याचा आरोपही आहे.
काय आहे प्रकरण?
भुवनेश्वरमधील इन्फोसिटी पोलिसांनी लेखिकेच्या तक्रारीच्या आधारे 39 वर्षीय अभिनेत्रीला अटक केली आहे, असे भुवनेश्वर डीसीपी कार्यालयाने एका निवेदनात म्हटले आहे. पोलिसांनी सांगितले की, मौसमी नायकने यापूर्वी लेखिकेविरुद्ध इन्फोसिटी पोलिसात तक्रार दाखल केली होती. या तक्रारीत असे सांगितले गेले की लेखिकेने मौसमीचे 5.08 लाख रुपये परत केले नाहीत. त्यानंतर, लेखिका आणि मौसमी यांनी तडजोड याचिकेवर स्वाक्षरी केली आणि अभिनेत्रीने आपली तक्रार मागे घेतली.
काही दिवसांनी लेखिकेने मौसमीला पैसेही परत केले होते याशिवाय लेखिकेची प्रतिमा डागाळणारे कोणतेही पाऊल उचलणार नाही, असे आश्वासन मौसमी यांनी दिले असल्याचे पोलिसांनी सांगितले.
मात्र, पैसे परत मिळूनही अभिनेत्रीने लेखिका आणि तिच्या कुटुंबियांविरोधात मीडियाला निवेदने दिली आणि चांडका पोलिस ठाण्यात बनस्मिता पतीविरुद्ध खोटा गुन्हाही दाखल केला. मौसमीने लेखिका आणि तिच्या कुटुंबीयांना जीवे मारण्याची धमकी देणारे मेसेजही पाठवले होते.
अखेर या सर्व प्रकरणात लेखिकेला ब्लॅकमेल केल्याप्रकरणी मौसमी नायकला ओडिशा पोलिसांनी अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
