एका महिलेनं कोर्टासमोर प्रतिज्ञापत्र दाखल करुन भूषण कुमार यांच्यावर आरोप केलेत.
संगीत क्षेत्रातील दिवंगत गुलशन कुमार (Gulshan Kumar) यांचा मुलगा टी-सीरीज कंपनीचे (T-Series Company) व्यवस्थापकीय संचालक भूषण कुमार (Bhushan Kumar) यांच्यावर बलात्काराचा आरोप करण्यात आल्याची धक्कादायक माहिती समोर आलीय. मुंबईत त्यांच्याविरुद्ध तक्रार दाखल करण्यात आलीय. काम मिळवून देण्याच्या आमिषानं एका 30 वर्षीय मुलीवर बलात्कार केल्याचा आरोप त्यांच्यावर आहे.
दरम्यान, भूषण कुमार यांच्याविरुद्ध बलात्काराच्या खटल्यात पोलिसांनी दाखल केलेला क्लोजर रिपोर्ट (Closure Report) मुंबईतील न्यायदंडाधिकारी न्यायालयानं फेटाळला असून तपासात विविध कायदेशीर पैलूंशी तडजोड केली गेलीय, असं नमूद केलंय.
तक्रारदार महिलेनं अंतिम अहवालास (बी-समरी) पाठिंबा देऊन असलेल्या कायद्यातील तरतुदींचा गैरवापर केलाय हे लक्षात घेऊन, न्यायालयानं पोलिसांना या प्रकरणाची कायद्यानुसार चौकशी करण्याचे निर्देश दिलेत. बी समरी नोटीस मिळाल्यानंतर महिलेनं कोर्टासमोर प्रतिज्ञापत्र दाखल केलं आणि भूषण कुमार यांच्यावर आरोप केलेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
