Big Boss Marathi 4: मराठी इंडस्ट्रीत हॅन्डसम अभिनेता कोण? तेजस्विनीनं घेतलं कोणाचं नाव? वाचा

Big Boss Marathi 4: बिग बॉस शो म्हटला की नेहमी वादच त्या घरात पहायला मिळाले पाहिजेत असं बिलकुल नाही बरं का. इथे विविध विचारांची,स्वभावाची लोकं एकत्र आली की विविध विषयांवरच्या गप्पांचा फडही या घरात रंगतो. कधी त्यातून मजा-मस्ती केली जाते, कधी गॉसिपची शाळाही भरते तर कधी भावनेच्या आहारी जाऊन कोणा ना कोणाच्या वैयक्तिक आयुष्याचा पटही उलगडतो. बिग बॉस मराठीच्या घरातही यंदा असंच काहीसं हळूहळू पहायला मिळत आहे.

भांडण हा या घराचा युएसपी असला तरी मजा-मस्तीनेही प्रेक्षकांचं पुरेपूर मनोरंजन होत आहे. पण आता नुकतंच रोखठोक स्वभावाच्या तेजस्विनी लोणारीनं जिला आपण 'देवमाणूस २' ची आमदार बाई म्हणून ओळखतो तिनं थेट मराठी इंडस्ट्रीतल्या अभिनेत्यांवरच मोठा शाब्दिक वार केला आहे. आणि इंडस्ट्रीत कोणी हॅन्डसम अभिनेता नाही म्हणत एकप्रकारे सगळ्या अभिनेत्यांना हिणवलं आहे. नक्की काय आहे पूर्ण बात, चला जाणून घेऊया.(Big Boss 4: Tejaswini Lonari on Handsome Actor in Marathi Industry)

बिग बॉस मराठीच्या घरात अमृता आणि तेजस्विनीमध्ये लग्नाविषयी गप्पा सुरु असतात. तेव्हा तेजस्विनी पटकन म्हणून जाते, 'माझ्या भावाने वयाच्या २१ व्या वर्षी लग्न केलं'. तेव्हा अमृता म्हणते कि,'मग तु का नाही केलंस?', त्यावरनं तेजस्विनी अमृताला म्हणते, ''असं कुणी भेटलं नाही, आणि आपल्याला ज्याच्यासोबत लग्न करायचं असतं,त्याला आपल्यासोबत लग्न करायचं नसतं''. तेव्हा अमृतानं एक विचार मांडायचा म्हणून म्हटलं,'अगं मग इंडस्ट्रीत कुणी भेटलं नाही का तुला?' त्यावर तेजस्विनी मोठ्या तोऱ्यात म्हणाली, "इंडस्ट्री मध्ये कोण आहे ? कोणी आहे का हॅन्ड्सम, कोणीच नाही ... मला तरी नाही आवडत इंडस्ट्रीमधलं..."

आता तेजस्विनीच्या या मतावरनं इंडस्ट्रीत चर्चा रंगणार यात वाद नाही. आणि पुढे बिग बॉसच्या घरामधून बाहेर आल्यावर तिला कामही करायचं आहे इंडस्ट्रीत हे कदाचित ती विसरली असावी. असो, तेजस्विनीनं एकाच फटक्यात मराठी अभिनेत्यांचा केलेला अपमान अनेकांना खटकणार हे ओघाने आलंच. एपिसोड पाहिल्यावर यावर काय प्रतिक्रिया येतायत हे पाहणं महत्त्वाचं ठरेल.