Big Boss Marathi 4: टास्क दरम्यान असं काय भयंकर घडलं की अपुर्वानं फोडली किंचाळी...

Big Boss Marathi 4: बिग बॉस मराठी सुरु होऊन अवघे तीन-चार दिवस सुरु झाले असताना खेळात रंग भरू लागलेयत सदस्यांमधील खटके आणि टास्क. अर्थात हा खेळच असा आहे की इथे घरातील कॅमेऱ्यांसमोर सतत राहणं, आपल्या नावाची चर्चा होईल असा गेम खेळणं, टास्कमध्ये हिरिरीनं भाग घेणं, सहनशील राहून शत्रूला मात देणं आणि गोड बोलून मैत्रीतही काटा काढणं ....हे करण्यात जो कुणी यशस्वी होईल तोच ठरतो बिग बॉस विनर...आता बिग बॉस मराठी ४ च्या घरातही यासाठी सुरु असलेली धडपड दिसू लागलीय. पहिल्याच धडक-बेधडक टास्कमध्ये सगळ्यांचाच गोंधळ उडालेला दिसून आला, त्यादरम्यान घरातील एक सदस्य जखमी होता होता वाचला. नेमकं काय झालं हे आजचा एपिसोड पाहिल्यावर कळेलच पण सध्या व्हायरल प्रोमोत अपुर्वाची किंकाळी मात्र थरकाप उडवतेय.(Big Boss Marathi 4 contestants fights and tasks, promo viral)

बिग बॉस मराठीच्या एपिसोडमध्ये धडक-बेधडक हा टास्क पाहता येईल. यात सदस्यांचा भलताच गोंधळ उडालाय हे व्हायरल प्रोमोत दिसून आलेय. कोण जीवाच्या आकांतानं पळतंय तर कोण जीवघेणी किंकाळी फोडतंय. याच भागात घरातील एका महिला सदस्याला टास्क दरम्यान उंच टेबलावरुन दणकन जमीनीवर पडल्यानं चांगलंच लागलं आहे तर तिला पडताना पाहून बाजूला उभ्या असलेल्या अपुर्वा नेमळेकरनं फोडलेली किंकाळी चांगलाच थरकाप उडवून सोडतेय. तो व्हिडीओ बातमीत जोडलेला आहे,तेव्हा आपण अंदाज घेऊ शकाल या जीवघेण्या टास्कचा.

बिग बॉस मराठी ४ चा हा एपिसोड आज रात्री ४ ऑक्टोबर रोजी १० वाजता पाहता येईल आणि मिस झाला एपिसोड तर Voot App वरही पाहता येईल. नुकत्याच समोर आलेल्या प्रोमोनुसार नॉमिनेशन कार्यादरम्यान अमृता देशमुखने सदस्यांवर नाराजी व्यक्त केली. तिचे म्हणणे आहे,"बर नाहीये हे दिसते आहे तरी माझ्यावर येऊन बाटल्या फोडत आहात." तर त्रिशूलने निखिल राजशिर्के यांना जागवायची गरज आहे म्हणून नॉमिनेशनमध्ये टाकले. आता बघूया पहिल्या आठवड्यात कोणते सदस्य होणार सेफ? कोणते सदस्य होणार नॉमिनेट ? म्हणजे नॉमिनेशन सोबतच टास्कचा थरार असा एकंदरीतच मनोरंजनाचा डबल डोस बिग बॉस मराठी ४ या आठवड्यात देणार आहे.