Big Boss Marathi 4: एका बॅगेसाठी सदस्य उठले एकमेकांच्या जीवावर, हाणामारीनं रंगला दिवस

Big Boss Marathi 4: बिग बॉस मराठीच्या घरात दिवसागणिक आता वादांची संख्या वाढताना दिसत आहे. रोज एका नवीन मुद्द्यावरनं इथे सदस्य आपापसात भिडताना दिसत आहेत. आता तर बिग बॉस मराठीच्या घरात BB विमानतळ बनलं आहे कुस्तीचा आखाडा. इथं साध्या बॅगवरनही सदस्य एकमेकांवर आरोप प्रत्यारोप करताना दिसत आहेत.

त्याचं झालं असं की, मेघा घाडगेनं विरोधी टीमवर आरोप करत म्हटलं, ''खाली दोन दोन बॅग धरून ठेवल्या आहेत ते दिसत नाहीये''. त्यावर किरण माने ठसक्यात म्हणाले "मी बघितलं आहे, कॅमेराने देखील बघितलं आहे. बॅगा अशा वाटलेल्या आहेत क्लिअर दिसतं आहे आणि आम्हाला काय सांगत आहात. कॅमेरा बघतो आहे, लाज बाळगा...'' बस्स.. यावरनंच पुढे सगळ रामायण घडलं ते बिग बॉसच्या नुकत्याच प्रसारित झालेल्या एपिसोडमध्ये पहायला मिळालेच असेल आपल्याला.

तर दुसरीकडे बॅगेवरुन प्रसाद आणि अक्षयनं घराला कुस्तीचा आखाडाच बनवला, त्या वादात समृद्धी मध्ये पडली अन् तिनं अक्षयची बाजू घेतली. तिचं म्हणणं आहे की अक्षयने सर्वात आधी बॅग ताब्यात घेतली आहे.

घरातील काही सदस्य देखील प्रसादला सांगत होते की, 'बॅग सोडून दे'. पण दोघेही बॅग सोडायला तयार नव्हते. इकडे ही हाणामारी सुरू असताना तिकडे तेजस्विनी-रुचिराचं आणखी वेगळंच काहीतरी चालू होतं. तेजस्विनीचे रुचिराला म्हटलं,''तू manipulate का करतेस ?'' आता रुचिराने आपली बाजू कशी मांडली आपण पाहिलं असेलच. कोणाची बॅग कोणी घेतली यावरून सदस्य एकमेकांशी भिडलेयत,तर इतर सदस्यांचे आणखी वेगळेच वादाचे मुद्दे आहेत त्यामुळे हा नवीन भाग प्रेक्षकांचे भरभरुन मनोरंजन करेल यात शंका नाही.