बिग बॉसची तिखट मिर्ची मीरा जगन्नाथनं गुढीची पुजा करीत मागितलं 'हे' मागणं

आज गुढीपाडवा(Gudhipadwa),साडेतीन शुभमुहूर्तांपैकी एक समजला जाणारा शुभ मुहूर्त. आज सर्वसामान्यांपासून अगदी सेलिब्रिटींपर्यंत सारेच हा सण मोठ्या उत्साहानं साजरा करतात. आपले मराठी कलाकार तर आवर्जुन अनेकजण यादिवशी गुढी उभारताना दिसतात. नेहमीच ग्लॅमरस,मॉर्डन पेहरावात असणारे अनेक सेलिब्रिटी या मराठमोळ्या सणाच्या निमित्तानं पारंपरिक साजशृंगार करताना दिसत आहेत. सोशल मीडियावर अनेकांनी आपल्या आजच्या खास साजशृ्ंगाराचे फोटो पोस्ट केलेले दिसून आले. 'बिग बॉस मराठी 3' मधली ग्लॅम डॉल,तिखट मिर्ची मीरा जगन्नाथ(Mira Jagnnath)नं देखील यंदाचा गुढीपाडवा पारंपरिक अंदाजात साजरा केला आहे.

अभिनेत्री मीरा जगन्नाथ हे 'मराठी बिग बॉस 3' मधलं चर्चेतलं नाव. त्यावेळी अनेक वादांनी मीरा चर्चेत राहिली. नेहमीच दुसऱ्यांशी बिग बॉसच्या घरात भांडणारी मीरा प्रत्यक्ष आयुष्यात मात्र खूपच ट्रेडिशनल आहे बरं का, म्हणजे अगदी सगळ्या सणांना ती पांरपरिक पद्धतीनं साजरं करताना दिसते. आज गुढीपाडव्याच्या दिवशीही तिनं छान गुढीला सजवून उभारलं,तिची साग्रसंगीत पूजा केली,मनोभावे गुढीला हात जोडणारी मीरा यावेळी प्रत्येकाला भावली असणार हे निश्चित. मीरानं छानं ट्रेडिशनल साडीचा पेहराव करत पारंपरित साजशृंगारही केलेला दिसत आहे. अर्थात तिनं आपल्या गुढीपाडवा सेलिब्रेशनचे काही फोटो आणि व्हिडीओ सोशल मीडियावर शेअर केलेले दिसून आले आहेत.

''चैत्राची सोनेरी पहाट,नव्या स्वप्नांची नवी लाट,नवा आरंभ, नवा विश्वास,नव्या वर्षाची हीच तर खरी सुरवात…गुढी पाडव्याच्या हार्दिक शुभेच्छा!'' अशी खास पोस्टही मीरानं आपल्या चाहत्यांना शुभेच्छा देताना केली आहे. या पोस्टच्या निमित्तानं गुढीकडे यापुढे सगळं कुशलमंगल होवू दे हे मागणं मागितलं आहे. बिग बॉस(Big boss marathi3) मधून बाहेर पडल्यावर मीरा जय दुधाणेसोबत एका व्हिडीओ अल्बममधून आपल्या समोर आली आहे. काही सिनेमातनंही ती आपल्याला लवकरच दिसेल अशी देखील बातमी कानावर येतेय.