Bigg Boss 16: बिग बॉसच्या घरात गोल्डन बॉयची एन्ट्री, डोक्यापासून पायापर्यंत इतकं किलो सोनं घालतो अंगावर..

Bigg Boss 16: बिग बॉस १६ प्रेक्षकांसाठी फु्ल्ल ऑन एंटरटेन्मेंटचा डोस बनत चालला आहे. दिवसागणिक इथं नवा ड्राम पहायला मिळत आहे. बिग बॉसची ट्रॉफी पटकावण्यासाठी घरातील सदस्य नको नको ती शक्कल लढवताना दिसत आहेत. पण आता या दरम्यान आणखी एक मोठा धमाका बिग बॉसच्या घरात होणार आहे,ते एका वाइल्ड कार्ड एन्ट्रीच्या माध्यमातून. गोल्डन बॉय नावानं प्रसिद्ध असलेला सनी नानासाहेब वाघचौरे शो मध्ये एन्ट्री करणार आहे.(Bigg Boss 16: Golden Boy Sunny nanasaheb waghchoure to enter as wild card contestant)

सनी नानासाहेब वाघचौरे बिग बॉसमध्ये एन्ट्री करणार असल्याची पोस्ट सोशल मीडियावर जोरदार व्हायरल होत आहे. गोल्डन बॉस बिग बॉसमध्ये येणार असल्याच्या बातमीनं टी.व्ही इंडस्ट्रीत मात्र खळबळ आहे. गोल्डन बॉयचे चाहते त्याला या शो मध्ये पाहण्यास उत्सुक झाले आहेत.

हेही वाचा: काय घडलं होतं उदयनराजेंच्या जलमंदिर पॅलेसमध्ये १९५२ साली?

गोल्डन बॉय नावानं प्रसिद्ध असलेला सनी नानासाहेब वाघचौरे सोशल मीडियावर भलताच प्रसिद्ध आहे. इन्स्टाग्रामवर त्याचे 1.6M फॉलोअर्स आहेत. सनीला सोनं घालायला खूप आवडते. तो नेहमी अंगावर कितीतरी किलो सोनं घालून फिरत असतो. सनीच्या फोटोंमध्ये आपण पाहू शकता की त्याच्या गळ्यात कितीतरी किलोची भली मोठी जाडजूड चैन आहे. गोल्डन बॉयच्या हातात देखील सोन्याचे कडे दिसत आहेत. सनी अंगावर सोनं घातल्याशिवाय एकही फोटो क्लिक करत नाही.

बिग बॉसमध्ये सध्या असलेला एमसी स्टॅन देखील करोडोंचे दागिने घालण्यासाठी प्रसिद्ध आहे. बिग बॉसच्या घरात देखील तो आपले हे करोडोचे दागिने घालून मिरवताना दिसतो. अशामध्ये आता गोल्डन बॉयची घरामध्ये एन्ट्री होत असल्यामुळे लोकांची उत्सुकता वाढली आहे. चाहत्यांचे म्हणणे आहे की आता बिग बॉसच्या घरात एम सी स्टॅन आणि गोल्डन बॉय यांच्यात त्यांच्या दागिन्यांमुळे जोरदार टक्कर पहायला मिळेल. कारण दोघेही त्यांच्या दागिन्यांसाठी प्रसिद्ध आहेत.

हाती आलेल्या वृत्तानुसार,एम सी स्टॅन आणि गोल्डन बॉय एकमेकांना आधीपासून ओळखतात. अशामध्ये दोघे जेव्हा बिग बॉसच्या घरात आमने-सामने येतील तेव्हा कदाचित मजेदार काहीतरी पहायला मिळेल अशी आशा आहे.