Buddha Pournima 2023: अंगावर येणार्‍या 'निर्बुद्ध' सांडांबरोबर... किरण मानेंचा बुद्ध पौर्णिमेबद्दल खास संदेश

Kiran Mane on Buddha Pournima 2023 News: आज बुद्ध पौर्णिमा. जगाला शांततेचा आणि मानवतेचा संदेश देणाऱ्या भगवान गौतम बुद्धांचा जगात आज जगभरात आहे. गौतम बुद्धांचे अनेक अनुयायी बुद्ध पौर्णिमा उत्साहात साजरी करत आहेत.

अशातच मराठी अभिनेते किरण माने यांनी बुद्ध पौर्णिमेबद्दल खास संदेश दिलाय. किरण माने यांनी सोशल मीडियावर बुद्ध पौर्णिमेनिमित्त खास फोटो शेयर करत एक छान पोस्ट लिहिली आहे.

किरण माने लिहितात.. द्वेषाविरोधातला विद्रोह - प्रेम करणं.. असत्याविरोधातला विद्रोह - सत्य शोधणं.. गुलामगिरीविरोधातला विद्रोह - स्वातंत्र्य मिळवणं.. विषमतेविरोधातला विद्रोह - समता मानणं.. अन्यायाविरोधातला विद्रोह - न्याय देणं.. पाठीमागून अंगावर चाल करून येणार्‍या

'निर्बुद्ध' सांडांबरोबर,विवेकी विचारांनी 'युद्ध' खेळणं : 'बुद्ध' अंगीकारणं ! अशी पोस्ट किरण माने यांनी लिहिली आहे

किरण माने हे आगामी 'रावरंभा' चित्रपटात दिसणार आहेत. या चित्रपटात माने यांनी महत्वाची भूमिका आहे. काही दिवसांपूर्वीच ट्रेलर लॉंच सोहळ्यात त्यांचा पहिला लुक समोर आला होता. माने यांच्या लुक सह एक पोस्टर आउट झालं आहे.

''मालिका, चित्रपट, नाटकांमधून चाहत्यांची मनं जिंकणारे बिग बॉस फेम मराठीतील प्रतिभावंत आणि हरहुन्नरी अभिनेते किरण माने 'हकीमचाचा' च्या अनोख्या भूमिकेत.. ''असे कॅप्शन या पोस्टरला देण्यात आले आहे.

यामध्ये माने काळा पागोटा, अंगावर शेला आणि लांब पांढरी दाढी अशा लुक मध्ये दिसत आहेत. त्यांच्या लुकवर अनेकांनी प्रतिक्रिया दिल्या असून त्यांचे कौतुक केले आहे.

किरण माने रावरंभा सिनेमाच्या निमित्ताने सिनेमातील प्रमुख कलाकार ओम भुतकर आणि मोनालिसा बागल यांच्यासोबत झळकणार आहेत.

येत्या १२ मे ला ‘रावरंभा’ इतिहासातील हे ‘मोरपंखी पान’ पडद्यावर रसिकांसमोर उलगडणार आहे.

निर्माते निर्माते-शशिकांत शीला भाऊसाहेब पवार आणि दिग्दर्शक अनुप जगदाळे ही प्रेमकहाणी प्रेक्षकांसमोर आणणार आहेत.