Amruta Dhongade: बिग बॉस मराठी 4 च्या घरात एक चर्चेत राहिलेलं नाव म्हणजे अमृता धोंगडे. अमृता प्रचंड महत्वाकांक्षी आणि जिद्दी आहे, त्याचे दर्शन या खेळात घडलेच. शिवाय जिंकण्यासाठी तिने हर एक प्रकारे मेहनत घेतली. अगदी शेवटच्या टास्कला बाहेर पडणार म्हणून ती ओक्साबोक्शी रडली. पुढे ती टॉप पाच मध्ये आली पण विजेती होऊ शकली नाही. पण या खेळानंतर ती आता कोल्हापूर दौऱ्यावर गेली आहे.
(bigg boss marathi 4 fame Amruta Dhongade visit jyotiba temple kolhapur)
अमृता कामानिमित्त मुंबईत असली तरी ती मूळ कोल्हापूरची आहे. त्यामुळे तिला गावाविषयी प्रचंड ओढ आहे. बिग बॉस च्या खेळातही ती अनेकदा कोल्हापूरविषयी भरभरून बोलली आहे. म्हणूनच का खेळ संपताच तिने आपलं गांव गाठलं आहे.
हेही वाचा : मेडिकल मॅनेजमेंटही हृदयविकारावर ठरु शकते उपाय
सध्या अमृता कोल्हापूर दौऱ्यावर आहे. यावेळी तिने ज्योतीबाच्या नावानं चांगभलं म्हणत गडावर जाऊन देवाचं दर्शन घेतलं. सोबत एक व्हिडिओ पोस्ट केला. या व्हिडिओला तिनं कॅप्शन दिलं आहे की, 'Bigg Boss मधून बाहेर आल्यावर सगळ्यात आधी कोल्हापूर ला गेले घरी जंगी स्वागत झालं, कौतुक सोहळा झाला, आणि त्यानंतर थेट गेले ते ज्योतिबाला तुम्हा सर्वांच्या support मुळे आणि ज्योतिबा च्या आशीर्वादा मुळे Bigg Boss Marathi season 4 ची finalist झाले.. ज्योतिबाच्या नावानं चांगभलं'' अशी पोस्ट तिने शेयर केली आहे.
'मिसेस मुख्यमंत्री' या मालिकेतून अमृता मनोरंजन विश्वात आली. इथवर पोहोचण्यासाठी तिने प्रचंड स्ट्रगल केला आहे. बिग बॉसचा चौथा सीजनही तिनं गाजवला. आता लवकरच ती नव्या मालिकेत झळकावी याची वाट चाहते पाहत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
