Bobby Deol : अबरार गया नही जिंदा है! 'अ‍ॅनिमल पार्क' मध्ये दिसणार खास भूमिकेत

Bobby Deol Animal Movie Actor now ready to sequel : रणबीर कपूरची मुख्य भूमिका असलेला आणि संदीप रेड्डी वांगाचे दिग्दर्शन असलेला अॅनिमल हा गेल्या वर्षातील सर्वाधिक चर्चा झालेला एक लोकप्रिय चित्रपट होता. त्यानं बॉक्स ऑफिसवर मोठी कमाई केल्याचे दिसून आले. त्याचं जेवढं कौतुक झालं तेवढीच त्याच्यावर मोठ्या प्रमाणात टीकाही करण्यात आली होती.

रणबीर कपूर, रश्मिका मंदाना, बॉबी देओल, अनिल कपूर यांची देखील या चित्रपटामध्ये महत्वाची भूमिका होती. या सगळ्यात बॉबी देओलनं जी नकारात्मक व्यक्तिरेखा साकारली होती त्याचे कौतुक झाले होते. ती भूमिका पाहून नेटकऱ्यांनी, प्रेक्षकांनी बॉबीविषयी दिलेल्या प्रतिक्रिया देखील खूप काही सांगून जाणाऱ्या आहेत.

लॉर्ड बॉबी हा सोशल मीडियावर खूपच लोकप्रिय असणारा सेलिब्रेटी आहे. अॅनिमलमध्ये रणबीर कपूर जेवढा लोकप्रिय झाला त्यापेक्षा बॉबीची क्रेझ जास्त असल्याचे दिसून आले. पहिल्या पार्ट मध्ये तो रणबीरच्या हातून मारला जातो. ते पाहिल्यानंतर बॉबीच्या चाहत्यांची निराशा झाली होती. मात्र आता अॅनिमलबाबत एक मोठी अपडेट समोर आली आहे.

अॅनिमलनंतर त्याच्या सिक्वेलची चर्चा होताना दिसत आहे. त्यामध्ये देखील बॉबी देओल दिसणार असल्याचे बोलले जात आहे. आणि पुन्हा त्यात बॉबी देओलही वेगळ्या भूमिकेत चमकणार आहे. अशी चर्चा सोशल मीडियावर रंगली आहे. यापूर्वी यावरुन वेगवेगळ्या चर्चांना उधाणही आले होते. २०२३ मध्ये वर्ल्ड वाईड अॅनिमलनं तब्बल ९०० कोटींचा बिझनेस केल्याचे दिसून आले.

दिग्दर्शक संदीप रेड्डी वांगानं अॅनिमलनंतर अॅनिमल पार्कची घोषणा केली होती. त्यामुळे चाहत्यांच्या भुवया उंचावल्या गेल्या होत्या. या सगळ्यात बॉबीची भूमिका कोणती असणार याकडे अनेकांचे लक्ष लागले आहे. भलेही अॅनिमलच्या पहिल्या भागात बॉबीला फार कमी स्क्रीन टाईम मिळाला असेल पण त्याच्या भूमिकेचे कौतुक झाले होते. या नंतर तो दुसऱ्या भागातही दिसणार असल्याची चर्चा आहे.

बॉलीवूड हंगामानं दिलेल्या एका रिपोर्टनुसार, अॅनिमल पार्कमध्ये बॉबीही खास भूमिकेत दिसणार आहे. त्याच्या त्या चित्रपटामध्ये तो एका वेगळ्या फॅमिली ड्रामामध्ये चमकणार असल्याचे बोलले जात आहे. पहिल्या भागात बॉबीचा अंत झाला होता. त्यानंतर आता तो दुसऱ्या भागात वेगळ्याच रुपात समोर येणार असल्याची चर्चा आहे.