मुंबई : बॉलिवूडची धकधक गर्ल माधुरी दिक्षितचा चाहता वर्ग मोठा आहे. तिच्या आदाकारिने आणि नृत्याने ती नेहमीच प्रेक्षकांचे मन जिंकते. माधुरी सोशल मीडियावर खूप सक्रिय असते. तिच्या आयुष्यातील खास क्षण ती नेटकऱ्यांसोबत सोशल मीडियावर शेअर करते.
नुकताच माधुरीने एक खास व्हिडिओ सोशल मिडीयावर शेअर केला. या व्हिडिओमध्ये माधुरीने हिंदी चित्रपटसृष्टीतील प्रसिध्द आणि ज्येष्ठ अभिनेत्री वहीदा रहमान, आशा पारेख आणि हेलन यांच्यासोबत डान्स करताना दिसली. प्रसिध्द टिव्ही शो 'डान्स दिवाने 3' मध्ये होळी स्पेशल भागात वहीदा रहमान, आशा पारेख आणि हेलन विशेष प्रमुख पाहुण्या म्हणून आल्या होत्या. यावेळी माधुरीला या अभिनेत्रींच्या आयकोनिक आणि सदाबाहार गाण्यांवर त्यांच्यासोबत नृत्य करण्याचा मोह आवरला नाही. माधुरीने या अभिनेत्रींसोबत त्यांच्या गाजलेल्या गाण्यावर डान्स केलेला व्हिडिओ सोशल मिडीयावर शेअर केला.
एका व्हिडीओमध्ये माधुरीने अभिनेत्री वहिदा रेहमान यांच्यासोबत तेरी कसम या चित्रपटातील हिट गाणे 'पान खाए सइयां हमारो' यावर डान्स केला. या व्हिडिओमध्ये माधुरी आणि वहिदा या दोघींची आदाकरी पाहून नेटकऱ्यांनी या व्हिडिओला पसंती दिली आहे.
वहिदांसोबतच माधुरीने अभिनेत्री आशा पारेख यांच्यासोबत 'अच्छा तो हम चलते है' या गाण्यावर डान्स केला. 1970 मध्ये रिलीज झालेल्या आन मिलो सजना या गाण्यातील आशा पारेख आणि राजेश खन्ना यांची जोडी त्यावेळी हिट ठरली होती.
माधुरीने प्रसिध्द अभिनेत्री हेलन यांचे सुपर हिट गाणे 'मुंगळा' वर खास डान्स केला. यावेळी माधुरी आणि हेलनच्या हावभावाने नेटकऱ्यांचे मन जिंकले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.