![Pathaan Movie
Shah Rukh Khan](http://media.assettype.com/esakal%2F2023-01%2F97f11c1d-d1a2-4a1b-817e-468b4b05d0a3%2FBANNER__89_.jpg?w=480&auto=format%2Ccompress&fit=max)
शाहरुख खानचा 'पठाण' चित्रपट प्रमोशन न करताही चर्चेत आहे. 'पठाण' चित्रपटाबाबत बराच गोंधळ सुरु आहे. काही संघटनांनी शाहरुखचे पुतळे जाळले तर काहींनी शाहरुखलाच जिवंत जाळण्याची धमकी दिली. पण शाहरुख खान आजही बॉलिवूडचा बादशाह आहे. तो आजही चाहत्यांच्या हृदयावर राज्य करतो हे काही वेगळं सांगायची गरज नाही.
शाहरुखची क्रेझ ही लहानापासून मोठ्यापर्यंत आहे. शाहरुखच्या मन्नत बाहेर त्याच्या वाढदिवसाच्या दिवशी चाहत्याची गर्दी असते. मात्र यावेळी 22 जानेवारीलाही असचं चित्र पाहायला मिळालं. शाहरुखला त्याच्या 'पठाण' चित्रपटाच्या प्रदर्शनासाठी शुभेच्छा देण्यासाठी आणि त्याची एक झलक पाहण्यासाठी 'मन्नत'च्या बाहेर चाहत्यांची मोठी गर्दी जमली होती.
शाहरुख खाननेही त्याच्या चाहत्यांना निराश केले नाही. तो त्याच्या 'मन्नत' च्या टेरेसवर आला आणि रेलिंगवर चढला. त्यांनतर त्याने जमलेल्या चाहत्यांच त्याच्या खास शैलीत आभार मानलं. त्याचं प्रेम पाहून तो भारावला.
शाहरुखला पाहताच जमावाने एकच जल्लोष केला आणि सर्वांनी शिट्ट्या वाजवून 'शाहरुख खान' च्या नावाचा जयघोष सुरू केला. मात्र चाहत्यांच्या प्रचंड गर्दीमुळे सर्वत्र वाहतुक ठप्प झाली.
याबद्दल शाहरुखने सोशल मीडियावर सर्व लोकांची आणि वाहतूक व्यवस्थापकांची माफी मागितली. शाहरुखने त्याच्या ट्विटर हँडलवर चाहत्यांचे आभार मानत एक व्हिडिओ शेअर केला. त्यात लिहिलं की , 'या अप्रतिम रविवारच्या संध्याकाळबद्दल धन्यवाद. माफ करा, लेकिन उम्मीद करता हूं कि लाल गाड़ी वालों ने अपनी कुर्सी की पेटी बांध ली थी 'पठाण'साठी तुमची तिकिटे बुक करा आणि मी तुम्हाला पुढच्या वेळी तिथेच भेटेन.
'पठाण'मध्ये शाहरुख खानशिवाय दीपिका पदुकोण आणि जॉन अब्राहम यांच्याही भूमिका आहेत. याचे दिग्दर्शन सिद्धार्थ आनंदने केले आहे. या चित्रपटाद्वारे शाहरुख खान तब्बल ४ वर्षांनी मोठ्या पडद्यावर पुनरागमन करत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.