Jhoome Jo Pathaan: बेशरम रंगच्या वादात..झूमे जो पठाणची जबरदस्त एंट्री

Shahrukh Khan Deepika Padukone movie new song Jhoome Jo Pathaan: सध्या शाहरुख खानचा आगामी पठाण चित्रपटातील 'बेशरम रंग' गाण्यावरून देशभरात वादाला तोंड फुटले आहे. बेशरम रंग हे गाणे काही दिवसांपूर्वी रिलीज झाले असून या गाण्यात दीपिकाने घातलेल्या भगव्या रंगाच्या बिकिनीमुळे खळबळ उडाली आहे कारण अभिनेत्रीच्या भगव्या रंगामूळे हिंदू लोकांच्या भावना दुखावल्या गेल्या आहेत असं बोललं जात आहे.

दरम्यान, आता निर्मात्यांनी चित्रपटातील 'झूमे जो पठाण' हे नवीन गाणं रिलीज केलं आहे. या गाण्यात शाहरुख खान आणि दीपिका पदुकोणची जबरदस्त केमेस्ट्री दिसत आहे.

झूम जो पठाण हे गाणं आज रिलिज करण्यात आलं आहे. हे गाणं अरिजित सिंगने त्याच्या सुरेल आवाजात गायलं आहे. जे ऐकल्यानंतर शाहरुख अन् दिपिकीचे चाहतेही आंनदीत दिसताय. हे गाणं ऐकल्यानंतर त्याचे बोलं लगेच तुमच्या ओठावर आल्याशिवाय राहणार नाही.

'झूमे जो पठाण' हे गाणं रिलिज होताच व्हायरल झालं आहे. ते गाणे व्हायरल होताच शाहरुखच्या चाहत्यांनी त्याच्यावर कौतूकाचा वर्षाव केला आहे. दीपिका घायाळ करणार बोल्ड अंदाज आणि शाहरुखचा लूक पाहिल्यानंतर चाहत्यांना प्रतिक्रिया देण्यास भाग पाडतो आहे. दीपिकानं चाहत्यांना घायाळ करुन टाकले आहे.

अवघ्या काही तासांत लाखो लाईक्स, व्ह्युज त्या व्हिडिओला मिळाल्याचे दिसून आले आहे. गेल्या बऱ्याच दिवसांपासून शाहरुख आणि दीपिकाच्या बेशरम रंग' गाण्यावर बराच वाद झाल्याने आता यागाण्यावर नेटकऱ्यांच्या काय प्रतिक्रिया असतील याकडेही लक्ष लागले आहे. मात्र ह्या गाण्याची चर्चा होणार हे नक्की.

अरिजित सिंगचा आवाजाने पुन्हा एकदा त्याची जादू दाखवली आहे. गाणं काही क्षणातच तुम्हाला मंत्रमूग्ध करेलं यात काही शंकाच नाही. याआधीही अरिजितने शाहरुख खानसाठी गाणी गायली आहेत. 'दिलवाले' चित्रपटातील 'गेरुआ' आणि 'जब हॅरी मेट सेजल'मधील 'हवाएं' या गाण्याला त्याने आपला आवाज दिला. ही दोन्ही गाणी हिट ठरली. अशा परिस्थितीत झूम जो पठाण निर्मात्यांना हिट ठरेल अशी अपेक्षा आहे.