Box Office Collection : ब्रह्मास्त्र थांबले, चूपही शांत, विक्रम वेधाचे काय होणार?

Box office Collection News ९ सप्टेंबर रोजी प्रदर्शित झालेला रणबीर कपूरचा ब्रह्मास्त्र चित्रपट (Movie) तिसऱ्या आठवड्यात आश्चर्यकारक कामगिरी करू शकला नाही. ‘चुप: रिव्हेंज ऑफ द आर्टिस्ट’ व ‘धोका: राऊंड द कॉर्नर’ हे दोन चित्रपट २३ सप्टेंबरला प्रदर्शित झाले. मात्र, हेही चालले नाही. यामुळे बॉक्स ऑफिस पुन्हा एकदा ठप्प झाले आहे. आता विक्रम वेधा चित्रपटगृहात येणार आहे. हा चित्रपट चांगली कामगिरी करणार की नाही, असा प्रश्न उपस्थित व्हायला सुरुवात झाली आहे.

ब्रह्मास्त्र

रणबीर कपूर आणि आलिया भट्ट स्टारर ब्रह्मास्त्र तिसऱ्या वीकेंडला जबरदस्त कमाई केल्यानंतर बॉक्स ऑफिसवर शांत झाला आहे. तिसऱ्या मंगळवारी हा चित्रपट (Movie) दोन कोटींची कमाई करू शकला नाही. प्राथमिक आकडेवारीनुसार, ब्रह्मास्त्रने १९ व्या दिवशी केवळ १.८५ कोटींचा व्यवसाय केला आहे. भारतीय बॉक्स ऑफिसवर चित्रपटाची एकूण कमाई २५७.९८ कोटींची झाली आहे.

चूप

सनी देओल आणि दुलकर सलमान यांचा २८ कोटींचा चित्रपट पाच दिवसांत केवळ ९ कोटींची कमाई करू शकला आहे. चित्रपट फारसा चालताना दिसत नाही आहे.

धोका: राऊंड द कॉर्नर

धोका: राऊंड द कॉर्नर हा चित्रपट पाहणाऱ्यांची संख्या कमी आहे. यामुळेच चित्रपटाने पाचव्या दिवशी फारशी कमाई केली नाही. चित्रपटाची एकूण कमाई २.९३ कोटींवरच गेली आहे. पहिल्या बुधवारी हा चित्रपट तीन कोटींचा टप्पा पार करेल की नाही अशी अपेक्षा आहे.

विक्रम वेधा

मोठ्या पडद्यावर हृतिक रोशन आणि सैफ अली खानची जोडी पाहण्यासाठी लोक खूप उत्सुक होते. परंतु, विक्रम वेधा हा तमिळ चित्रपटाचा हिंदी रिमेक यूट्यूबवर हिंदीत डब झाला आहे. अशा परिस्थितीत चित्रपट प्रदर्शित होण्यापूर्वीच अनेकांनी मूळ आवृत्ती पाहिली आहे. त्यामुळे या चित्रपटाने आतापर्यंत ॲडव्हान्स बुकिंगद्वारे केवळ ८९ लाखांचीच कमाई केली आहे.