Brahmashtra 2 : आलिया भट आणि रणबीर कपूर यांची मुख्य भूमिका असलेला 'ब्रह्मास्त्र' या चित्रपटाची चाहते वाट पाहत आहेत. बऱ्याच दिवसांपासून या चित्रपटाबाबत वेगवेगळ्या बातम्या येत आहेत. आता तो ९ सप्टेंबर रोजी प्रदर्शित होत आहे.
या चित्रपटाद्वारे रणबीर कपूर (Ranbir Kapoor) आणि आलिया भट (Alia Bhatt) पहिल्यांदाच मोठ्या पडद्यावर एकत्र दिसणार असून या मोठ्या बजेट चित्रपटाला बॉलिवूडचे (Bollywood News) मार्व्हल युनिव्हर्स म्हटले जात आहे.
हा चित्रपट अद्याप प्रदर्शित झालेला नाही आणि दरम्यान, त्याच्या पुढच्या भागाबाबत प्रेक्षकांमध्ये चर्चा रंगू लागल्या आहेत. चित्रपटाचा पहिला भाग थिएटरमध्ये कसा गाजेल हे पाहणे रंजक ठरेल. दरम्यान, ब्रह्मास्त्र हा चित्रपट तीन भागांमध्ये बनवला जाणार आहे. दुसऱ्या भागात कोणते कलाकार मुख्य भूमिकेत दिसणार आहेत?
व्हायरल वृत्तानुसार दीपिका पदुकोण (Deepika Padukone) आणि रणवीर सिंग (Ranveer Singh) यांना पुढील भागासाठी निर्माते विचार करित आहेत. बॉलीवूड लाइफच्या एका वृत्तानुसार, दीपिका पदुकोण ब्रह्मास्त्र दोनमध्ये जलदेवीची भूमिका साकारताना दिसणार आहे आणि काही लोकांनी ट्रेलरचा स्क्रीनशॉट शेअर करत म्हटले आहे की, पाण्यातून चालणारी मुलगी दीपिका आहे.
मात्र, रणवीर सिंग कोणत्या पात्राची भूमिका करणार हे अद्याप स्पष्ट झालेले नाही. पण दीपिकाच्या व्यक्तिरेखेबद्दल जे अंदाज बांधले जात आहे ती ऐकणे खूपच रंजक आहे.
मात्र, चित्रपटाच्या भाग-दोन बाबत आत्तापर्यंत आलेल्या बातम्या केवळ अंदाज वर्तवलेला आहे. याबाबत अद्याप कोणतीही अधिकृत घोषणा झालेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
