British Actor Tom Wilkinson Death: मनोरंजन विश्वातून एक दुःखद बातमी समोर आली आहे. प्रसिद्ध ब्रिटीश अभिनेता टॉम विल्किंसनचे शनिवारी निधन झाले आहे. त्याने वयाच्या 75व्या वर्षी अखेरचा श्वास घेतला. टॉम विल्किंसनच्या कुटुंबीयांनी त्याच्या निधनाची माहिती दिली आहे. टॉमच्या निधनामुळे मनोरंजन विश्वावर शोककळा पसरली आहे.
विल्किंसन याचे शनिवारी घरीच निधन झाल्याचे कुटुंबीयांनी सांगितले. यावेळी त्यांच्यासोबत पत्नी व कुटुंबीय होते. मात्र, अद्याप विल्किंसनच्या मृत्यूचे कारण समोर आलेले नाही.
विल्किंसन याने अनेक सुपरहिट चित्रपटांमध्ये काम केले होते. 2001 मध्ये इन द बेडरुम या चित्रपटातील मुख्य भूमिकेसाठी आणि 2007 मध्ये मायकेल क्लेटनच्या सहाय्यक भूमिकेसाठी त्याला ऑस्कर पुरस्कारासाठी नॉमिनेशन मिळाले होते. विल्किंसन यांनी एकूण 130 हून अधिक चित्रपटांमध्ये काम केले आहे.
टॉम विल्किन्सनने 2008 च्या मिनीसीरीज जॉन अॅडम्समधील बेंजामिन फ्रँकलिनच्या भूमिकेसाठी एमी पुरस्कारासाठी आणि द केनेडीजमधील भूमिकेसाठी एमी पुरस्कारासाठी नॉमिनेशन मिळाले होते.
टॉम विल्किंसनने अनेक प्रसिद्ध चित्रपटांमध्ये काम केले. ज्यामध्ये द फुल मॉन्टी, शेक्सपियर इन लव्ह आणि द बेस्ट एक्झोटिक मॅरीगोल्ड हॉटेल सारख्या चित्रपटांचा समावेश आहे.
1997 च्या द फुल मॉन्टी या चित्रपटासाठी त्याला बाफ्टा पुरस्कार मिळाला होता. हा चित्रपट 26 वर्षांनंतर पुन्हा Disney+ वर प्रदर्शित झाला. इतकच नाही तर टॉम विल्किंसनच्या सहा चित्रपटांना बाफ्टा पुरस्कारासाठी नॉमिनेशन मिळाले होते. टॉम विल्किंसनने आपल्या कारकिर्दीत 130 हून अधिक टीव्ही आणि चित्रपटात भूमिका केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
