Andre Braugher: एमी-विजेता अभिनेता आंद्रे ब्रूघेरचे निधन! 61 व्या घेतला अखेरचा श्वास

Andre Braugher Death: "होमिसाइड: लाइफ ऑन द स्ट्रीट" आणि "ब्रुकलिन 99" या सिरिजमधील महत्वाच्या भूमिकांसाठी प्रसिद्ध असलेला अभिनेता आंद्रे ब्रूघेर याचे सोमवारी निधन झाले. त्याने वयाच्या 61 व्या वर्षी अखेरचा श्वास घेतला.

आंद्रे हा एमी-विजेता होता. आंद्रेच्या पीआर जेनिफर ऍलन यांने त्याच्या मृत्यूची पुष्टी केली आहे. आंद्रेच्या निधनाने मनोरंजन विश्वासवर शोककळा पसरली आहे. सोशल मिडियावर पोस्ट शेयर करत त्याचे चाहते त्याला श्रद्धांजली देत आहेत.

आंद्रेचा जन्म शिकागोमध्ये झाला होता. त्याने 'ग्लोरी'मध्ये मॉर्गन फ्रीमन आणि डेन्झेल वॉशिंग्टन यांच्यासोबत काम केले होते. या दोघांनी ऑल-ब्लॅक आर्मी रेजिमेंटवरच्या चित्रपटासाठी ऑस्कर जिंकला होता.

हॉलीवूडमध्ये काम शोधण्यासाठी त्याला संघर्ष करावा लागल्याचे त्याने एका मुलाखतीत सांगितले होते. त्याने वेगेवगळ्या भुमिकांमधून अभिनय केला.

अँडी सॅमबर्ग अभिनीत फॉक्स मालिका “ब्रुकलिन नाईन-नाईन” मधील कॅप्टन रे होल्टच्या भूमिकेतून तो कॉमेडीकडे वळला.याचे 2013 ते 2021 पर्यंत आठ सीझन आले होते.

आंद्रेने 11 नामांकनांमधून आपल्या करिअर दोन एमी पुरस्कार जिंकले होते. त्याने ब्रॅबसनशी लग्न केले होते. त्यांना तीन मुलगे होते.