Captain Miller Trailer: साऊथचा सुपरस्टार धनुष हा गेल्या काही दिवसांपासून त्याच्या आगामी कॅप्टन मिलर या चित्रपटामुळे चर्चेत आला आहे. या सिनेमाची बरेच दिवस चर्चा होती तर आता धनुषचे चाहते या चित्रपटाच्या ट्रेलरची प्रतीक्षा करत होते.
आता चाहत्यांची ही प्रतिक्षा संपली आहे. शनिवारी कॅप्टन मिलरचा ट्रेलर रिलीज करण्यात आला आहे. या चित्रपटात धनुष अॅक्शन अवतारात दिसत आहे. या चित्रपटातील धनुषच्या लूकची अन् अॅक्शनची सोशल मिडियावर तुफान चर्चा सुरु झाली आहे.
ट्रेलर पाहिल्यानंतर हे स्पष्ट होते की तो एका डाकूची भुमिका साकारत आहे. तो आपल्या गावाचं आणि तेथील खाणींचे ब्रिटिशांकडून संरक्षण करतोय आणि ब्रिटीश सैन्याविरुद्ध लढा देत आहे. तर ट्रेलरच्या शेवटी दिसतंय की तो ब्रिटीश सैन्यात काम करणारा सैनिक होता.
त्यांची ओळख कॅप्टन मिलर होती. या चित्रपटात पुन्हा एकदा टॉलिवूडची अॅक्शन आणि थ्रिलर स्टोरी प्रेक्षकांना पहायला मिळणार आहे.
2 मिनिटे 54 सेकंदांच्या या ट्रेलरमध्ये बंदुकी, तलवारबाजी, गोळीबार आणि बॉम्बस्फोट सर्वच पाहायला मिळते.
धनुष स्टारर या चित्रपटात प्रियंका मोहन, शिव राजकुमार, सुदीप किशन, विनोद किशन, नस्सर आणि एडवर्ड सोनेनब्लिक यांच्यासह अनेक स्टार्स दिसणार आहेत. 2 मिनिटे 54 सेकंदांच्या या ट्रेलरमध्ये संपूर्ण अॅक्शन पाहता येईल. यात अनेक बंदुका, तलवारबाजी, गोळीबार आणि बॉम्बफेक दाखवण्यात आली आहे.
12 जानेवारी रोजी हा सिनेमा प्रदर्शित होणार आहे. कॅप्टन मिलर हा सिनेमा अरुण माथेश्वरन यांनी लिहिला आहे. त्यांनीच याचे दिग्दर्शनही केले आहे. कॅप्टन मिलर हा सिनेमा बॉलिवूड चित्रपट मेरी ख्रिसमससोबत स्पर्धा करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
