Raju Srivastava Death: कॉमेडियन-अभिनेता राजू श्रीवास्तव यांचे निधन २१ सप्टेंबर,२०२२ रोजी झाले. अनेक दिवस मृत्यूशी झुंज दिल्यानंतर अखेर कॉमेडीयनची प्राणज्योत मालवली. ते ५८ वर्षांचे होते. त्यांना १० ऑगस्टला हृद्यविकाराचा झटका आल्यानं हॉस्पिटलमध्ये दाखल करण्यात आलं होतं. त्यांच्या पश्चात पत्नी शिखा आणि मुलं अंतरा व आयुष्मान असा परिवार आहे.
राजू एक महिन्याहून अधिक काळ लाइफ स्पोर्ट सिस्टमवर होते. जशी त्यांच्या निधनाची बातमी समोर आली तसं त्यांच्या मित्रपरिवारातून,राजकीय क्षेत्रासोबत मनोरंजन दुनियेतून ते अगदी त्यांच्या चाहत्यां पर्यंत साऱ्यांनी शोक व्यक्त केला आहे.
सोशल मीडियावर अनेकांनी पोस्टच्या माध्यमातून दुःख व्यक्त केलं आहे. काहींनी राजू यांच्यासोबतच्या काही आठवणी शेअर केल्यात तर काहींनी त्यांचे व्हिडीओ,फोटो पोस्ट करत त्यांच्याविषयी लिहिलं आहे.(Celebrities Condol comedian Raju Srivastava mourn on social media.)
मनोरंजन क्षेत्रातून काही कलाकारांनी राजू श्रीवास्तव यांच्या निधनावर शोक व्यक्त केला आहे.
बॉलीवूड अभिनेता अजय देवगण याने राजू श्रीवास्तव याच्या निधनावर शोक व्यक्त करताना एक ट्वीट केलं आहे. राजूचा एक ब्लॅक अॅन्ड व्हाइट फोटो शेअर करत लिहिलं आहे की, ''आपल्या कारकिर्दीत तुम्ही स्क्रीनवर आपल्या अभिनयाच्या जादून आम्हाला हसवलंत पण वैयक्तिक आयुष्यातही कॉमेडी हे मौलिक गिफ्ट तुम्ही देऊन गेलायत. तुमचं अचानक आमच्यातून निघून जाणं खूप दुःखदायक गोष्ट आहे. तुमच्या आत्म्याला शांती लाभो,ओम शांती. ईश्वर आपल्या कुटुंबाला या दुःखातून बाहेर येण्याचं बळ देवो ही प्रार्थना''.
शेखर सुमन यांनी राजू श्रीवास्तव यांच्या प्रकृतीविषयी प्रत्येकवेळेस त्यांच्या चाहत्यांना अपडेट दिली. पण आता राजू श्रीवास्तव यांच्या निधनानंतर शेखर सुमन यांना मोठा झटका बसला आहे. त्यांनी ट्वीट करत लिहिलं आहे,'' गेल्या एक महिन्यापासून ज्या गोष्टीची मला भीती वाटत होती,ती अखेर झालीच. राजू श्रीवास्तव आपल्या सर्वांना सोडून निघून गेलेयत. ही बातमी ऐकताच मी एकदम कोसळलो. देव त्यांच्या आत्म्यास शांती देवो. ओम शांती''.
अभिनेत्री आणि राजकीय नेता जया प्रदा यांनी राजू श्रीवास्तव यांना श्रद्धांजली वाहिली आहे. त्यांनी म्हटलं आहे,''प्रसिद्ध कॉमेडियन राजू श्रीवास्तव आज आपल्यात राहिले नाहीत. नेहमी सगळ्यांना हसवणारा आज अचानक सगळ्यांना रडवून गेला, त्यांच्या जाण्यानं सगळ्यांना धक्का बसला आहे. त्यांना माझी विनम्र श्रद्धांजली,राजू श्रीवास्तव यांच्या आत्म्यास शांती लाभो,ओम शांती''.
त्याचसोबत निर्माता-दिग्दर्शक मधूर भांडारकर आणि विपुल गोयल यांनी देखील ट्वीट करत कॉमेडियनला श्रद्धांजली अर्पित केली आहे.
राजू श्रीवास्तव यांच्या निधनावर कलाक्षेत्रासोबतच राजकीय क्षेत्रातूनही बड्या-बड्या नेत्यांनी शोक व्यक्त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
