Bhau Kadam घरी आला अन् घरच्या कुत्र्यानं थेट..., व्हायरल व्हिडीओवर भन्नाट कमेंट्सचा वर्षाव

Bhau Kadam:सेलिब्रिटी आणि त्यांचे प्राणी प्रेम आपल्याला काही नवीन नाही. असे अनेक सेलिब आहेत ज्यांचे पेट डॉग आणि कॅट हे त्यांच्याप्रमाणेच प्रसिद्धिच्या झोतात येतात. अनेकदा सेलिब्रिटी आपल्या घरच्या पाळीव प्राण्यांसोबतचे व्हिडीओ आणि फोटो शेअर करताना दिसतात.

असाच एक व्हिडीओ 'चला हवा येऊ द्या' फेम भाऊ कदमचा व्हायरल होताना दिसत आहे ,ज्याच्यात तो त्याच्या डुग्गु सोबत म्हणजे घरच्या त्याच्या लाडक्या कुत्र्यासोबत खेळतना दिसतोय. पण या मध्ये भाऊच्या या डुग्गुने त्याच्यासोबत अशा काही मजेदार हरकती केल्या आहेत ज्यामुळे त्या व्हिडीओवर चाहत्यांनी देखील भन्नाट कमेंट्सचा वर्षाव केलेला दिसत आहे.

'चला हवा येऊ द्या' फेम भाऊ कदम त्याच्या वेगवगेळ्या मजेदार स्कीट्समधनं चाहत्यांचे नेहमीच मनोरंजन करताना दिसतो. त्याने साकारलेल्या स्त्री व्यक्तीरेखा अनेकदा प्रेक्षकांना पोट दुखेपर्यंत हसायला भाग पाडतात.

सोशल मीडियावर देखील तितकाच नेटकऱ्यांचा चाहता आहे. त्यानं पोस्ट केलेले फोटो-व्हिडीओ त्यामुळेच काही वेळातच व्हायरल होतात. भाऊनं नुकताच त्याच्या घरच्या कुत्र्यासोबत ..त्याच्या लाडक्या डुग्गुसोबत शेअर केलेला व्हिडीओ म्हणूनच भाव खाऊन गेला आहे. यात शूटिंगंमधनं थकून भागून आलेल्या भाऊसोबत त्याचा कुत्रा मस्त खेळताना दिसतो.

तो भाऊचे लाड करतोय असं व्हिडीओ पाहून अनेकांचे म्हणणे पडले आहे. असे पाळीव प्राणी घरी असले की कामाचा क्षीण क्षणात दूर पळतो असं देखील एका नेटकऱ्यानं भाऊ कदमच्या व्हिडीओवर कमेंट करताना म्हटलं आहे.

.

भाऊनं आपल्या डुग्गुसोबत म्हणजे लाडक्या डॉगीसोबत खेळतानाच्या शेअर केलेल्या व्हिडीओवर काही भन्नाट कमेंट्स देखील चाहत्यांनी केल्या आहेत..कुणीतरी लिहिलंय,''भाऊ,तो म्हणतोय एकदा शांताबाई करुन दाखवा की..'', तर कुणी एकानं लिहिलंय,''भाऊ ते कुठेही धरील बरं..तुमच्या 'पांडू' सिनेमात दाखवलंय तसं..''हा व्हिडीओ पोस्ट करत भाऊ कदमनं देखील लाडक्या डफ्फूचं नाव लिहित हार्ट इमोजी दिलं आहे.