'सबका साई' पुन्हा वादाच्या भोवऱ्यात...

साई बाबांबद्दल वेगवेगळया भाषेत मालिका प्रसिद्ध झाल्या आहेत. त्याला मोठ्या प्रमाणावर प्रेक्षकांचा प्रतिसादही मिळाला आहे. मात्र काही मालिका त्या लोकप्रियतेला अपवादही आहेत. सध्या मॅक्स प्लेयरवर आलेल्या सबका साई नावाची मालिका वादाच्या भोवऱ्यात सापडल्याचे दिसून आले आहे. यापूर्वी अनेक मालिका आणि चित्रपट यांनी साई बाबांच्या व्यक्तिमत्वावर प्रकाशही टाकला आहे. कित्येकांनी त्यांच्या जीवनातील प्रसंगांना अधोरेखित केलं आहे. प्रेक्षक आणि समीक्षक यांनीही त्या जीवनपटाचं कौतूक केलं आहे. त्याला मिळणारा प्रतिसादही मोठा असल्यानं त्याची सर्वपातळीवरुन दखलही घेण्यात आली आहे. सध्या मॅक्स प्लेयरवरील सबका साई पुन्हा एकदा वादाच्या भोवऱ्यात सापडल्याचे दिसून आले आहे.

निर्माते आणि दिग्दर्शक यांनी हा वाद आशयाशी संबंधित असल्याचे म्हटले आहे. अनेक प्रेक्षकांचे असे म्हणणे आहे की, सध्याच्या काळात ही मालिका दाखवली जाऊ नये, त्या प्रश्नामागील त्यांची भावना काय आहे हे समजून घेण्याचा प्रयत्न निर्माते आणि दिग्दर्शक यांचा आहे. काही महिन्यांपूर्वी मॅक्स प्लेयरवर प्रख्यात दिग्दर्शक प्रकाश झा यांची आश्रम नावाची मालिका प्रदर्शित झाली होती. त्याला प्रेक्षकांचा मोठा प्रतिसादही मिळाला होता. त्यावरुन अनेक वादही तयार झाले होते. शेवटी तो वाद न्यायालयाच्या दारात गेला होता. अजूनही त्या मालिकेतील कित्येक खटले हे न्यायालयात सुरु आहे. मॅक्स प्लेयरवर गेल्या काही दिवसांत अनेक तक्रारी आल्याची चर्चा आहे. या ओटीटीवरुन अश्लील कंटेट प्रदर्शित होत असल्याची चर्चा सोशल मीडियावर रंगली होती.

सबका साई ही मालिका २६ ऑगस्ट पासून मॅक्स प्लेयरवर प्रदर्शित होणार आहे. मात्र ती प्रदर्शित होण्यापूर्वीच तिला अनेक वादांना सामोरं जावं लागत आहे. ट्विटरवरुन अनेकांनी नाराजीही व्यक्त केली आहे. त्यावर काही नकारात्मक पोस्टही समोर आल्या आहेत. सध्या जग एका वेगळ्या संकटातून जात असताना अशावेळी आपण कोणत्या पद्धतीचा आशय लोकांना देतो आहोत असा प्रश्न प्रेक्षक विचारताना दिसत आहे.

त्या शो वरुन जे प्रश्न उपस्थित केले जात आहे त्यावर सबका साईचे दिग्दर्शक अजित भैरवकर यांचे म्हणणे आहे की, सध्या विज्ञान आणि चिकित्सा यांच्यात यशस्वीतेचे प्रमाण काही कमी नाही. विज्ञानाचे चमत्कार आपण सध्या पाहतो आहोत. डॉक्टरांनी केलेल्या परिश्रमामुळे आपल्याला मोठा दिलासा मिळाला आहे. सध्याच्या परिस्थितीत त्यांच्या श्रेयाला आपण मान द्यायला हवा. समाजात असे काही नकारात्मक लोक असतात की ज्यांना कायम कोणत्या ना कोणत्या प्रकारचा वाद हवा असतो.