क्रूझ ड्रग्स प्रकरणात अटक करण्यात आलेल्या आर्यन खानचं एनसीबीच्या कस्टडीत असताना समुपदेशन करण्यात आल्याची माहिती समोर आली आहे. त्यावर आपण इथून बाहेर पडल्यानंतर चांगला माणूस बनवून दाखवणार असा शब्द आर्यन खानने एनसीबी अधिकाऱ्यांना दिल्याची माहिती सूत्रांनी दिली आहे. एनसीबीच्या अटकेत असलेल्या प्रत्येक आरोपीचं एनसीबीच्या अधिकाऱ्यांकडून आणि सामाजिक संस्थांकडून समुपदेशन केलं जात, त्यानुसार ड्रग्ज प्रकरणात अटकेत असलेल्या आर्यन खान याचही समुपदेशन करण्यात आलं.
एनसीबीचे झोनल डायरेक्टर समीर वानखेडे यांनी स्वतःसुद्धा आर्यन खानचं समुपदेशन केलं असून त्यावर आर्यन खानने सकारात्मक प्रतिक्रीया दिल्याचं सांगण्यात येतंय. "इथून बाहेर पडल्यानंतर मी गरिबांसाठी आर्थिक आणि सामाजिक पातळीवर काम करण्याचा प्रयत्न करेन. चुकीच्या गोष्टीत पुन्हा नाव येईल असं वागणार नाही", असा शब्द आर्यनने एनसीबी अधिकाऱ्यांना दिल्याची माहिती सुत्रांनी दिली आहे.
'काही महिन्यानंतर एनसीबीचे झोनल डायरेक्टर समीर वानखेडे यांना स्वतः आर्यन खानबद्दल गर्व वाटू लागेल अस काम करण्याचा प्रयत्न करेन' असंही आर्यन खानने वचन दिल्याचं समजतंय.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
